Biblia Todo Logo
Bib sou entènèt

- Piblisite -




Jesaea 26:7 - সান্তালী বাইবেল

7 Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Gade chapit la Kopi




Jesaea 26:7
30 Referans Kwoze  

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.


E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.


Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.


Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.


Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.


Isor botorae hoṛ do dhoromreye taṛameda; bhạgangeako uniren bõsko do!


Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.


Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.


Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,


ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.


Khạṭi tulạte Isor do ińe soṅeńma, enḍekhane baḍae daṛeakʼa, iń doń miridosgea.


E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.


Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.


Menkhan Probhu Isor do sermare acʼakʼ sonot mundilre menaea; uniyakʼ siṅghạson do onḍege menakʼtaea. Uni do manwakoe tạṅkhiyetʼkoa; ar uniyakʼ mẽtʼ do onkoe baḍae aṭkaretʼkoa.


E Probhu Isor, amakʼ suṛucʼ horko baḍae ocoyińme, ar amakʼ horte calakʼ baṛe cetʼạńme.


Amakʼ sạriyakʼre ạyurińme ar cetʼạńme, ente ińren babańcaoicʼ Isor dom am kangea; ar amrege sanam ghạṛicʼ iń bhorsakʼ kana.


E Probhu Isor, amakʼ hor udukʼạńme baṛe; ar ińren bạiriko iạte amakʼ suṛucʼ horte ạyurińme.


Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.


Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.


Okoe sojhe horteko calakʼkan onko do sulukko ńama; onko do gujukʼ hotete jirạuko ńama.


E Probhu Isor, ińiń baḍaea manwawakʼ jion hor acʼ apnarakʼ do baṅkana; uniyakʼ jaṅga reakʼ dhap lạgitʼ hukum hõ uniyakʼ kạmi do baṅkana.


Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.


Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.


Amakʼ calakʼ horre uni do samaṅre dohokaeme; unige amakʼ sanam horkoe sojheytama.


Khạṭi hoṛko do Isor botoraeko lạgitʼ sojhe horko benaoa, menkhan bedhoromko do akoakʼ phạsiạratetʼ iạteko maraokʼa.


Ghạṭte perecʼ hoṛakʼ jion do khiṛjạṅ khoṛjoṅ, menkhan khạṭi hoṛ do dhoromteye kạmiya.


Enhõ Probhu Isor do ape dayawape lạgitʼe koyokʼ horakada; uni do ape mãyãwape lạgitʼe sapṛao akana. Probhu doe dhoromren Isor kana; okoe uni lạgitʼ koyokʼ hor akaeko tahen onko doko bhạgangea.


Swiv nou:

Piblisite


Piblisite