Jesaea 25:9 - সান্তালী বাইবেল

⁹ Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 25:9 Referans Kwoze

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Genesis 49:18

“E Probhu Isor, am do unim rukhiyạyea ar ona ńelhor lạgitʼge iń do minạńa.

Sereńko 20:5

Amem jitạukʼre jemonle rạskạ daṛeakʼ ar aleren Isor ńutumte jhạnḍi jemonle rakabtale. Probhu Isor do amakʼ sanam koejoṅe luturakʼtam ma.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.

Johan sodor 22:20

Okoe noako reaṅe gohayetʼkan uni doe meneda, “Sạrige iń do ạḍi usạrageń hijukʼkana.” Amen. Probhu Jisu, dela hijukʼme.

2 Patras 3:12

Unre serma do lokʼte ḍahao maraokʼa ar siń cando, ńindạ cando ar ipilko hõko atarokʼa arko galao cabakʼa.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Sereńko 100:1

E dhạrtiren sanam hoṛ, ape do Probhu Isor oṛhẽ sereńaepe.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

1 Patras 1:6

Ape do thoṛa ghạṛicʼre hõ aema lekan biḍạu talate dukpe ńameda, ar enrehõ bańcao ńam reakʼ aste apeakʼ mon do rạskạte perejokʼ kana.

Luk 2:25

Unre Jerusalemre Simon ńutuman mitʼṭen dhorom ar Isor bhukti hoṛe tahẽkana. Uni do Israelkoakʼ jiwi raṛecʼe ńel hohorkan tahẽkana.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

Sereńko 21:1

E Probhu Isor, amakʼ daṛe ńelte raj doe rạskạkʼ kana; arem jitạu ocolere uni do ạḍiye kusikʼkana.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 35:1

Hahaṅkar jaega ar khaṅgoṭ disạm do rạskạkʼa; khaṅkar ot do hulạsokʼa ar jo bahakʼa. Sạpin leka asecʼ tasecʼ bahakʼa; khaṅgoṭ ot do rạskạkʼa are hulạsokʼa. Uni do Lebanon reakʼ ṭhonoke emocokʼa, uni do Karmel ar Saron reakʼ mạhimako emaea; ar hoṛko do Probhu Isorakʼ ṭhonokko ńela, aboren Isorakʼ mạhimage.

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jesaea 65:18

Iń okań sirjạuetʼkan ona ńutumte jaejug kusi akanpe tahena arpe rạskạkʼa, ente Jerusalem do mitʼṭecʼ rạskạ reakʼ ar uniren hoṛkoakʼ kusi reakʼ jinis lekań sirjạuea.

Sereńko 33:20

Abo do Probhu Isor lạgitʼge bon ńel horeda; uni kangea aboren goṛoyicʼ ar ḍhal do.

Sereńko 33:21

Unirege aboakʼ mon do rạskạkʼ kana, ente abo do uniyakʼ ńutumre bon bhorsa akana.

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Sakariạ 10:7

Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.