Jesaea 25:6 - সান্তালী বাইবেল

⁶ Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Jesaea 25:6 Referans Kwoze

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Johan sodor 19:9

Ona tayom uni serma goḍet doe metadińạ, “Noa katha olme, Bheḍa Hoponakʼ bapla bhojre okoekoko neota ocoakan onko doko bhạgangea.” Uni do noa katha hõe menkeda, “Noako do Isorakʼ katha kana, ar ona do sạrigea.”

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Mathae 26:29

Ińiń metapekana, ińren Babawakʼ rajosṭire ape tulucʼ nãwãnakʼ darkha rasa ạuriń ńũi hạbicʼ ńit khon noa do ar bạń ńũiya.”

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Soros sereń 1:4

Iń do rajiń metadea, “Am sãote idiyińme; dela, alaṅ do laṅ ńir senokʼa.” Uni do acʼakʼ oṛakʼteye aderkedińa. Ale do am sãotele rạskạkʼa arle hulạsokʼa; darkha rasa khon hõ amakʼ dulạṛ do ḍherle sarhaotama. Onko amko dulạṛetʼme ona do jutakʼ kangea.

Soros sereń 1:2

Cokʼạńme amakʼ moca reakʼ cokʼte, ente amakʼ dulạṛ do darkha rasa khon hõ sorosgea.

Luk 5:39

Ar mare darkha rasa ńũ tayom okoe hõ nãwã rasa do bae khoja, enteye mena, ‘marenakʼge bhagea.’ ”

Jirimiạ 48:11

“Mitʼ kanḍa khon eṭakʼ kanḍare ạuri dul hạbicʼ cetʼleka bubulakʼ do acʼakʼ gadrege tahen onkage Moab do acʼakʼ huḍiń umer khon khạtirjomae tahenkana; uni do bondi dosare bae sen akana. Onate ona reakʼ sebel do lahate lekage menakʼa, ona reakʼ mońj so do baṅ bodol akana.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”