Jesaea 25:4 - সান্তালী বাইবেল

^4-5 Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Jesaea 25:4 Referans Kwoze

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Sereńko 107:41

Menkhan uni do reṅgecʼ orecʼko bhabna khone owarketʼkoa, ar bhiḍi palrenko leka onkoren hoponkoe saṅge ocoketʼkoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 33:2

E Probhu Isor, alere dayakʼme; ale do am lạgitʼgele koyokʼ hor akada. Dinạmge setakʼ jokhecʼ ińren hoṛkoren daṛe baṛe hoyokʼme, ar muhinre bańcaoleme.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Jesaea 27:5

Bickom onako do asray ńam lạgitʼ iń ṭhenko hijukʼma; ar iń sãoteko sulukokʼ ma. Hẽ, iń sãotegeko sulukokʼ ma.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Sereńko 119:31

E Probhu Isor, amakʼ katha doń sapʼkajak akada; am do alom lajao ocoyińạ.

Sereńko 72:13

Uni do nandan ar reṅgecʼkoe dayawakoa ar nacarkoe bańcaokoa.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Sereńko 55:8

Ińakʼ asray gaṛregeń ńir calaokokʼa, ar hoe bharḍo khon sạṅgińteń senkokʼa.”

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Sereńko 121:5

Probhu Isorge amren rurukhiyạyicʼ; Probhu Isorge amakʼ jojom ti secʼ reakʼ umul do.

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Jesaea 16:3

Onko doko mena, “Solha emalepe; ar lạiyalepe cetʼle cekaea. Ape do tikin reakʼ umul do ńindạ reakʼ ńut leka hoeocoype- ar okoeko dạṛetʼkan onko do okore dohokakope, ar rukhiyạ ńam lạgitʼ asray lạgitʼko khojkan hoṛ do alope soprotkoa.

Jesaea 28:6

Uni do bikʼcạrkoakʼ ontorre dhorom reakʼ monsubại danakoa. Ar okoe phaṭok-duạr ṭhen khon lạṛhạiko ocog onko do daṛeye emakoa.

Jesaea 29:20

Kurmutạhako do ar bako tahena; ṭiṭkạri hoṛko hõko caba utạrokʼa, ar okoe bạṛicʼakʼ kạmiko menjoṅkan onko doko marao ocokʼa.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.