Jesaea 25:11 - সান্তালী বাইবেল

¹¹ Paerakʼicʼ cetʼ leka tiye pasnaoetʼtae onkage onko hõ guricʼre akoakʼ tiko pasnaotakoa. Onkoakʼ ti reakʼ kurumuṭu do ạuṛiyakʼge hoyokʼtakoa; Isorge onkoakʼ bạḍại doe rạpudtakoa.

Jesaea 25:11 Referans Kwoze

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

Jesaea 14:26

Goṭa dhạrti lạgitʼ niạ bebosta do ṭhik dohoakana ar sanam jạtrenko cetanre niạ tige tiạr dohoakana.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 48:42

Jạtrenko lekate Moab doe marao ocokʼa, ente iń upạrte acʼteye usul akana.

Jesaea 65:2

Keṭecʼ hoṭokʼan hoṛko secʼ siń sạṭupʼ ińakʼ tiyiń tiyạr akatʼtińạ. Onko do apnarakʼ bundisko pańjayetʼte bạṛicʼ horteko calakʼkana.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 10:33

Ńelme, phạdkoren Probhu Isor do maraṅ daṛete ḍạrkoe rạputʼ giḍiya. Ar usul usul dareko do makʼ giḍikʼa; ar onako do otre bhindạṛokʼa.

Sereńko 2:5

Uni do edreteye dhomkaokoa, ar acʼakʼ jaljalaokʼkan raṅgaoteye alatʼolotʼ cabakoa.

Jirimiạ 48:29

“Moab do ạḍi bạḍại hoṛkanae. Abo do uniyakʼ bạḍại reakʼ katha, uniyakʼ eṛeteakʼ, uniyakʼ edre reakʼ ar uniyakʼ phulạukʼ reakʼ katha bon baḍaegea.

Jobakʼ 40:11

Amakʼ botoranakʼ edre baṛe bumbhạu oḍokme; ar mitʼke mitʼ bạḍại hoṛ beṅgetʼ pheḍakome ar kiṛdhum ocokome.

Jesaea 2:10

Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe.

Jesaea 2:15

mitʼke mitʼ usul pahra oṛakʼko, mitʼke mitʼ keṭecʼ pạcriko,

Jirimiạ 48:47

Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.