Jesaea 25:10 - সান্তালী বাইবেল

¹⁰ Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 25:10 Referans Kwoze

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Rak̕joṅ 1:15

Probhu Isorge ińren sanam birbão hoṛkoe nihạ̃t giḍi akatʼkoa; uni do ińren juạnko chaka chunko lạgitʼ iń upạrte mitʼṭecʼ okteye ṭhik dohoakada. Darkha lelen kunḍre kuạ̃ri kuṛi Jihudạ do jaṅgateye lebetʼ gasmanḍao akadea.

Jesaea 26:6

Santaokʼko ar reṅgecʼko do jaṅgate onako lebetʼ gańjaoa.

Jesaea 18:4

Probhu Isor do ińe mitạń kana, “Iń do Sapha serma reakʼ jaratʼ jaratʼ setoṅ reakʼ dãk leka, lolo dinre phosol samṭao oktere kuṛhạ reakʼ rimil leka ińakʼ tahen ṭhạ̃i khon hape hapeteń beṅgeda.”

Jesaea 14:19

Menkhan am do giḍi akatʼ dare ḍạr leka topa khon bahretem giḍi ocoakana. Ar tarwaṛeteko gocʼakan okoe do patal puri reakʼ khạndṛuṅ utạrakʼ jaegateko kol ocoakan onkoakʼ mạ̃ṛĩtem ten ocoakana. Am do jaṅgate lebetʼ gańjao akatʼ mạ̃ṛĩ lekam hoyakana.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jesaea 10:31

Madmenaren hoṛ doko ńir joṅkana; Gebinren hoṛ doko okokʼ kana.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Sereńko 83:10

Sisrenko ar Jabin Endorreko mohor meṭaoena; onko do jumi reakʼ guricʼ lekako ńur tahẽyena.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Jesaea 16:14

Menkhan ńitokʼ Probhu Isor doe meneda, “Mitʼṭen din mujuri hoṛ cetʼleka bochore lekhae onkage pe bochor bhitrite Moabakʼ ṭhonok ar uniren ḍher hoṛ doko nihạ̃t ocokʼa ar jiwetʼ tahen hoṛ do lekhare thoṛa ar nijorko hoyokʼa.”

Jirimiạ 48:1

Moab reaṅ phạdkoren Probhu Isor doe meneda, “Nebore do hae hae! Ona do marao utạrokʼa. Kiriạthaim doe lajao ocokʼa ar eṭakʼkoakʼ tireye paṛaokʼa; uniyakʼ gaṛko do lajao ocokʼte rạputʼ dhaṅ dhaserokʼa.

Jeheskel 25:8

Probhu Isore menkeda, “Moab ar Seyir dokin meneda, ‘ńelpe, Jihudạren hoṛko do eṭakʼ jạtrenko lekageko hoyakana.’

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.