Jesaea 24:2 - সান্তালী বাইবেল

² Enhilokʼ naeke ar disạm hoṛko, kisạ̃ṛ ar gutiko, kisạ̃ṛ erako ar kạ̃ṛmĩko, kiriń ar ạkhrińko, dhar emokʼko ar hataoko ar rin emokʼko ar rin hataoko onko jotokoakʼ dosa do mitʼ lekage hoyokʼtakoa.

Jesaea 24:2 Referans Kwoze

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jesaea 5:15

Maraṅ ar huḍiń jotogeko tumbudokʼa, ar phulạukʼ kan mẽtʼ hõ copotʼ ocokʼa.

Jesaea 2:9

Onatege hoṛko doko tumbutʼ ocokʼa ar sanamkogeko copotʼ ocokʼa. Onko do alogem ikạkoa.

2 Bõsbudạ 36:20

Okoe gujukʼ ti khon rukhiyạko ńamketʼ onko do Babelteye idiketʼkoa, ar Paras reakʼ raj ạuri teṅgokʼ hạbicʼ onko do Nebukadnesar raj ar uniren hoponkoren golamko hoyena.

Genesis 41:50

Akal lahare On nagraharen naeke Poṭipheraren hoponera Asnatakʼ kukhire Josephren barea gidrạkin janamena.

Jesaea 24:3

Dhạrti do ujạṛ utạrokʼa, ar purạtege luṭ ocokʼa. Probhu Isor do niạ kathageye meneda.

Jesaea 28:7

Menkhan Ephrayimren naekeko ar nạbiko do ńitokʼ darkha rasa ńũkateko bul akana arko guṛdạu baṛaekana; onko do kiḍạkaḍe akan tahenrege dorsonko ńela ar inạ dosarege rayko ema.

Rak̕joṅ 4:6

Ente ińren hoṛkoren hoponerawakʼ ḍạnṭao do maraṅge tahẽkana, Sodom reakʼ kại khon do, one ona mitʼ ripitʼtege jalao maraolen; ar onare tige baṅ lagaolena.

Rak̕joṅ 4:16

Probhu Isorge onko doe chirchạtur akatʼkoa; onko do ar bae moneyako kana. Hoṛko do naekeko bako manotetʼkoa, ar murubbiko hõ bako mãyãwako kana.