Jesaea 24:18 - সান্তালী বাইবেল

¹⁸ Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Jesaea 24:18 Referans Kwoze

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Genesis 7:11

Nohawakʼ umer tinre turuisae bochor tahẽkana, ar ona bochor reakʼ dosar cando reakʼ gel eaeakʼ dinre ot latar reakʼ dakʼ do oḍokokʼ ehopʼena ar serma hõ paṛakʼena.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Sereńko 18:15

E Probhu Isor, amakʼ dhomkaote ar mũ reakʼ sãhetʼte, ot latarre do dakʼ ńelena, ar dhạrti reakʼ rehetʼko hõ oṭakʼena.

Jobakʼ 20:24

Uni do mẽṛhẽtʼ reakʼ khanḍa bhanḍako khone dạṛlere hõ, pitạl reakʼ ạ̃pạ̃ṛi do uniye tuń tabeya.

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 42:22

Menkhan noko hoṛ do jotowakʼge luṭ idi akantakoa, ar jotoge khạndṛuńreko khadle giḍi ocoakana ar jelkhanareko siń doho ocoakana. Onko do recʼ ocoakʼ jinis lekako hoyakana, onko rukhiyạko lạgitʼ do celege bạnukʼkoa. Onko do luṭteakʼ malko hoyakana; ar okoege bako meneda, “Onko ruạṛkope.”

Jirimiạ 48:43

E Moabren hoṛko, ape lạgitʼ botor, ghaḍlakʼ ar jhãmpa doe koyokʼ hor akada.

Jirimiạ 48:44

Okoe toras khone dạṛjoṅ uni do ghaḍlakʼreye ńurokʼa, ar okoe ghaḍlakʼ khone rakapʼ hijukʼ uni do jhãmpareye sabokʼa; ente iń do Moab reakʼ sạjạiyiń ṭhik dohoakada. Iń Probhu Isorge noa katha doń meneda.

Rak̕joṅ 3:47

Ale do toras, jhãmpa, dhaṅdhaser ar jarkharge hecʼ akatʼlea. ”

Jeheskel 11:8

Okaṭakʼ tarwaṛepe botorakʼ kan ona tarwaṛege ape upạrteń ạguiya.

Jeheskel 12:13

Iń do uni lạgitʼ jhạliń oḍaoa ar uni do ińakʼ pạsireye sabokʼa. Ar uni do Babelrenkoakʼ disạmteń idiyea, menkhan ona do bae ńela; uni do onḍegeye gujukʼa.

Jeheskel 15:7

Iń do onko upạrteń teṅgona. Ar seṅgel khonko oḍoklenre hõ onko do seṅgelgeye jomkoa. Iń do tinre onko upạrteń teṅgona unrepe baḍae daṛeakʼa, iń kangeạń Probhu Isor do.

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Amos 5:18

Hae ape do! Ape do ahkaokʼ salakʼ Probhu Isorakʼ din ńeljoṅpe khojkana! Ar cedakʼ ona din lạgitʼ dope gorojokʼkana? Ape ṭhen ona din do marsal reakʼ do baṅ hoyokʼa menkhan ńut reakʼge hoyokʼa.