Jesaea 23:17 - সান্তালী বাইবেল

¹⁷ Eaegel bochor paromlen khan Probhu Isor do Tur secʼe moneyakʼa. Unre uni do acʼakʼ bekʼpari kạmire ruạṛ senkate dhạrtiren sanam rapajko sãoteye bạnij bepara.

Jesaea 23:17 Referans Kwoze

Nạhum 3:4

Noako do uni kusmbiyakʼ aema utạr loṭghuṭi iạte hoyokʼkana; uni doe cemkecʼgea are bukʼlạuicʼ era kana. Uni do acʼakʼ loṭghuṭi iạte jạt jạtrenkoe ạkhrińetʼkoa; ar disạm disạmrenko do acʼakʼ muhnite.

Johan sodor 19:2

ente uniyakʼ bicạr do sạri ar dhoromgea. Okoe acʼakʼ loṭghuṭite goṭa dhạrtiye bhõnḍ akatʼ tahẽkan uni maraṅ kusmbi do Isor sạjạiye emadea ar acʼren golamkoakʼ mãyãm reakʼ unireye halakeda.”

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

1Timothi 3:8

Onkage sapʼdapʼko hõ manot ocokʼ lek jemonko hoyokʼ ar bar mocawanko leka do alo. Onko do ńũ bulokʼko hõ jemon aloko hoyokʼma, ar laloc secʼ hõ alo jemonko ạwilokʼ.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Aposkạmi 15:14

Isor do acʼren hoṛko hoyokʼ lạgitʼ boṅgan hoṛ jạtrenko modkhon thoṛa hoṛ bachaokateye udukʼakada je, boṅgan hoṛ jạtrenko lạgitʼ hõ uni doe dạndikʼ kana. Ar noa kathage Simon Patras do aboe lại akatʼ bona.

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 1:7

Ar uniren sanam boṅgako doko rạputʼ gejer ocokʼa; uniren mundil-kusumbikoakʼ sanam rojgar do seṅgelte rapakʼ giḍikʼa; uniren sanam boṅga muṭhạnko doń marao giḍikoa. Uni do kusumbi reakʼ kuṛại lekate noakoe ńam akada onate onako do arhõ kusumbikʼ lạgitʼ laṛcaṛokʼa.”

Jeheskel 22:13

“ ‘Am okaṭakʼ behokakʼem lab akatʼ ar am talare okaṭakʼ mãyãmem joro ocoakatʼ ona lạgitʼ khạṭige iń do ti thayowateń hạ̃nmea.

Jeheskel 16:31

Am do kulhi mucạtʼ dobạṭiạkore than ghuṭukom benao joṅkana ar loṭghuṭi kạmikate hõ amakʼ kuṛại dom nihạ̃t giḍikakʼ kana.

Jeheskel 16:26

Amren sor peṛa Misorrenko sãote hõm lạṭghaṭ akada ar amakʼ loṭghuṭi reakʼ kạmim ḍher idiyetʼte ińem khĩs ocoakadińạ.

Jirimiạ 29:10

“Babel reaṅ eaegel bochor reakʼ okaṭakʼ katha roṛakan ona purạulen khan iń do apeń moneyapea; ar okaṭakʼ bhạlạipe reakʼ iń gokʼ akawatʼpe onań purạua, metakʼme noa ṭhạ̃iteń ạgu ruạṛpea.

Dosar Biboron 23:18

Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Jesaea 23:15

Ona jokhecʼ mitʼṭen rajakʼ dinko leka, metakʼme eaegel bochor hạbicʼ Tur doe hiṛiń ocokʼa. Menkhan eaegel bochor purạulen khan Tur do kusumbi kuṛiyakʼ sereń lekae hoyokʼa.

Jesaea 23:16

E hiṛiń ocoakan kusumbi kuṛi, peṛesaṅ banamate nagrahare dãṛã baṛaeme. Napaete peṛesaṅ banamme; ar ḍher sereń sereńme jemon arhõm disạ ocokʼ.

Jeheskel 16:25

Dobạṭiạkore hõ boṅga muṭhạnko benaokate amakʼ mońjtetʼ do hirkhawakʼgem hoyoco akada. Ar jãhãege am aṛeteye parom senakan unige amakʼ hoṛmom danaekan tahẽkante amakʼ loṭghuṭi reakʼ kạmim ḍher akatʼtama.

Jirimiạ 25:11

Niạ disạm do jarkhar ar potit jumige hoyokʼa ar noko jạtrenko do eaegel bochor hạbicʼ Babel rajren golam akanko tahena.