Jesaea 23:15 - সান্তালী বাইবেল

¹⁵ Ona jokhecʼ mitʼṭen rajakʼ dinko leka, metakʼme eaegel bochor hạbicʼ Tur doe hiṛiń ocokʼa. Menkhan eaegel bochor purạulen khan Tur do kusumbi kuṛiyakʼ sereń lekae hoyokʼa.

Jesaea 23:15 Referans Kwoze

Jirimiạ 25:22

Tur ar Sidonren sanam rapajko; doreão hanasaren rapajko;

Johan sodor 17:10

Onko rapajko modre mõṛẽ goṭen do laharegeko ńur akana, ar mitʼ hoṛ do ńit hõ menaegea ar eṭakʼicʼ do ńit hõ bae hecʼakana. Ar uni raje hecʼlen khan uni do thoṛa din hạbicʼ tahentege hoyokʼtaea.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Daniel 8:21

Uni upʼan merom doe hoyokʼkana Junạn reakʼ rajosṭi ar uniyakʼ banar mẽtʼkin tala reakʼ maraṅakʼ dereń do hoyokʼ kana ona rajosṭiren pạhilicʼ raj.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Jeheskel 29:11

Ar ona talate do cele manwa se janwar hõ bako sen paromokʼa; ar pongel bochor hạbicʼ onḍe do celege bako girobasokʼa.

Jeheskel 27:25

“ ‘Tạrsis reakʼ jahajko do amakʼ jiniskoko ạguiyetʼ tahẽkana. Doreão talare ḍher jiniskote am do perecʼem tahẽkana.

Jirimiạ 29:10

“Babel reaṅ eaegel bochor reakʼ okaṭakʼ katha roṛakan ona purạulen khan iń do apeń moneyapea; ar okaṭakʼ bhạlạipe reakʼ iń gokʼ akawatʼpe onań purạua, metakʼme noa ṭhạ̃iteń ạgu ruạṛpea.

Jesaea 23:16

E hiṛiń ocoakan kusumbi kuṛi, peṛesaṅ banamate nagrahare dãṛã baṛaeme. Napaete peṛesaṅ banamme; ar ḍher sereń sereńme jemon arhõm disạ ocokʼ.

Jesaea 23:17

Eaegel bochor paromlen khan Probhu Isor do Tur secʼe moneyakʼa. Unre uni do acʼakʼ bekʼpari kạmire ruạṛ senkate dhạrtiren sanam rapajko sãoteye bạnij bepara.

Jeheskel 16:35

E laṭghaṭicʼ maejiu, Probhu Isorakʼ katha ańjomme.