Jesaea 22:4 - সান্তালী বাইবেল

⁴ Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jesaea 22:4 Referans Kwoze

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Mathae 2:18

“Ramare ãṭ aṛaṅte rakʼjoṅ ar hae hae ańjomokʼkana; Rahel do acʼren gidrạko lạgitʼe rakʼeda, ar cetʼte hõ jiwi do baṅ raṛejokʼ kantaea, ente onko do ar bạnukʼkotaea.”

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate hũk hũke rakʼkeda.

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jesaea 33:7

Ńelpe, onkoren birbão hoṛko do hor horteko rakʼ baṛaeyeda; sulukokʼ lạgitʼ kol ocoakan paṭhaonako hõ hũk hũkko rakʼeda.

Jesaea 15:3

Ar kulhikore gõṛẽ kicricʼko horokʼ baṛayeda. Onko sanamkoge chat cetanre ar nagraha reakʼ dobạṭiạkoreko jare jarekʼkana. Ar ạḍitetʼko rakʼeda.

Jirimiạ 9:18

Onko do usạra hecʼkate abo ńutumteko jare jarekʼ ma jemon aboakʼ mẽtʼ dakʼ hiḍir hiḍir jorokʼtabon.

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Jeheskel 27:31

Onko do am iạte bohokʼko hoyo munḍrạkʼa ar gõṛẽ kicricʼko horoga. Onko do mon reakʼ dukte am ńutumteko homor halaṅa ar ạḍi ãṭko raga.

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

Jeheskel 21:11

Probhu Isor meneda, “Tarwaṛe do jhalkao ocoakana jemon beoharokʼ; ar gogocʼicʼakʼ tire emokʼ lạgitʼ ona do laser ar jhalkao ocoakana.