Jesaea 22:14 - সান্তালী বাইবেল

¹⁴ Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Jesaea 22:14 Referans Kwoze

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

1 Samuel 3:14

Ona iạte Eliyakʼ bõsko reaṅ iń do kiriạkateń meneda, janwar samaṅokʼakʼ se eṭakʼ jãhãn samaṅokʼakʼ hotete hõ uniyakʼ bõsko reakʼ behokakʼko do tisge baṅ puruchunokʼ takoa.”

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

1 Samuel 9:15

Sạul hijukʼ laha hilokʼ Probhu Isor do Sạmuel ṭhen niạ kathae sodorleda,

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

2 Samuel 6:23

Ar Sạulren hoponera Mikal do ạuriye gujukʼ hạbicʼ bạńjhigeye tahẽyena.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.