Jesaea 22:1 - সান্তালী বাইবেল

¹ Dorson reakʼ buru-nala babotre Probhu Isorakʼ katha do nonka: Am do ńitokʼem ceka akante, amren hoṛko do chat cetanteko rakapʼ kana?

Jesaea 22:1 Referans Kwoze

Jirimiạ 21:13

E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Sereńko 125:2

Jerusalem beṛhaete cetʼleka burute esetʼ ạcurge onkage Probhu Isor do acʼren hoṛkoe esetʼ ạcur akatʼkoa, ar ńitokʼ hõe dohoyetʼkoa ar jaejug hạbicʼ hõe dohokoa.

Joel 3:14

Sạjại reakʼ lodamre ḍher hoṛkoakʼ bhiṛ, hẽ ḍher hoṛkoakʼ bhiṛge hoyakana, ente sạjại reakʼ lodamre Probhu Isorakʼ din do seṭer akana.

Joel 3:12

Probhu Isore meneda, “Jạt jạtrenko doko hoho ạgu ocokʼ ma; onko do Jehosaphat reakʼ buru nalateko sen idikʼma, ente onḍe iń do beṛhaeten sanam jạtrenko bicạrko lạgitʼ iń duṛupʼa.

Jesaea 15:3

Ar kulhikore gõṛẽ kicricʼko horokʼ baṛayeda. Onko sanamkoge chat cetanre ar nagraha reakʼ dobạṭiạkoreko jare jarekʼkana. Ar ạḍitetʼko rakʼeda.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

Mikạ 3:6

“Ape lạgitʼ ńindạ daraekana, ape do cetʼ dorsonge bape ńela; ape lạgitʼ do ńut daraekana, ape do nạbi lekate cetʼge bape roṛ daṛeakʼa. Ape lạgitʼ cando doe hạsurokʼa ar siń do ńutokʼa.”

Jirimiạ 48:38

Moab reakʼ sanam oṛakʼ chatkore, nagraha reakʼ kulhi ar dobạṭiạkore homor halaṅ chaḍa ar cetʼge baṅ ańjomokʼ kana, ente okaṭakʼ bhajan celege bako bạsutakʼkan onkage Moab doń rạputʼ gejer akadea.

Jesaea 13:1

Amosren hopon Jesaea do Babel reaṅ dorsone ńamleda.

Kạhtukko 29:18

Okare Isor do nạbiko hotete acʼakʼ sạriyakʼ bae sodor onḍenko hoṛ doko bhiṅgṛạukʼa; menkhan uni hoṛ doe bhạgangea okoe do Probhu Isorakʼ ạn ạrikoe manaoetʼ.

Sereńko 114:5

E doreão, amakʼ do cetʼ hoyena? Cedakʼ am dom dạṛkeda? E Jordan, dakʼ ạtukʼ do cedakʼem pạc ruạṛ ocokeda?

2 Rapajko 6:28

Ona tayom uniye kulikedea, “Cetʼ hoyakana?” Uni maejiue menkeda, “Nui maejiu do ińe metadiń tahẽkana, ‘teheń do amren hopon jome lạgitʼ emokʼme, ar gapa do ińren hopon jome lạgitʼ iń emokʼa.’

2 Samuel 14:5

Raj do uniye kulikedea, “Cetʼ muskilakʼrem paṛao akana?” Uni doe menkeda, “Sạri kathageń meneda, ińren jãwãe doe gocʼena, ar iń doń rạnḍi akana.

1 Samuel 11:5

Ar unre Sạul do gupi ṭạnḍi khon ḍaṅgrakoante oṛakʼteye ruạṛ hijukʼkan tahẽkana. Uni do, “Cetʼ hoyakana menteye kuliyana? Ar cedakʼ hoṛ doko rakʼeda?” Unre Jabesren hoṛ do okako lại oṭokatʼ onako baḍae ocokedea.

1 Samuel 3:1

Huḍiń koṛa Samuel do Eli tabere tahẽkate Probhu Isore sapʼsoraekan tahẽkana. Ar onako dinre Probhu Isorakʼ katha do ḍher do baṅ ańjomokʼkan tahẽkana ar uniyakʼ dorson hõ mitʼ talao do bań ńamokʼkan tahẽkana.

Bikʼcạrko 18:23

Onko do Dan gusṭiren hoṛko tayom tayomte ãṭ aṛaṅte hohoko ehopʼena. Unre Dan gusṭiren hoṛko do ạcurente Mikạko metadea, “Cetʼ hoyakante, lạṛhại lạgitʼ hoṛkom jarwayetʼkoa?”

Dosar Biboron 22:8

“Oṛakʼ benao jokhecʼ chad reakʼ beṛhaetepe kãt ạcurkakʼa, jemon jãhãe chad khon ńurhạkateye gocʼlen khan oṛakʼren hoṛko uniyakʼ gujukʼ iạte dạyi aloko hoyokʼ.

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Mathae 10:27

Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Jirimiạ 19:13

Jerusalem reakʼ oṛakʼ-duạr ar Jihudạ reakʼ rapajkoakʼ oṛakʼ-duạr, metakʼme okako oṛakʼ-duạr reakʼ chat cetanre siń cando, ńindạ cando ar ipilko ńutumte dhupko jeretʼetʼ tahẽkan ar debotako ńutumte coḍorakʼ samaṅokʼakʼko samaṅetʼ tahẽkan onako oṛakʼ-duạr do Tophet lekań bhonḍ ocoya.”

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 32:32

ente Israel ar Jihudạren hoṛko, onkoren sanam raj ar rajkạmiyạko, naekeko ar nạbiko, Jihudạ ar Jerusalemren hoṛko do akoakʼ sanam bạṛicʼakʼ kạmi hotete ińko bekusi ocoakadińạ.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.