Jesaea 21:5 - সান্তালী বাইবেল

⁵ Onko do jomakʼko sajaoeda, ar pạṭiạko beleda arko jom-ńũiyeda. E mukhiyạko, ma beretʼpe, apeakʼ ḍhalko sunumakʼtape.

Jesaea 21:5 Referans Kwoze

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jirimiạ 51:39

Onkoko jaljalaolenre iń do mitʼṭecʼ bhojiń teara. Ar onkoń bul ocokoa jemonko rạskạ daṛeakʼ, ar ona tayom do jaejug lạgitʼko jạpitʼjoṅa, ar tisge bako ebhenokʼa.

1 Korinthiko 15:32

Ephesusre bir janwarko tulucʼ okań lạṛhạilen, ona jodi manwako lekań onka lekhan enḍekhan cetʼ porho hoyokʼtińạ? Ar gocʼko bako jiwetʼ beredokʼ khan enḍekhan, “delabon jom ńũite okteko bon khemaoma; ente gapa dobon gujukʼa.”

Jirimiạ 51:11

Ape do apeakʼ sarko lasertape, ar ḍhalko hatao joṅpe. Probhu Isor do Madaeren rajkoakʼ jiue uskur akatʼtakoa, ente bạiriko upạrte uniyakʼ monejoṅakʼ do jarkharakʼge. Probhu Isor do khạṭige acʼakʼ oṛakʼ lạgitʼe hala hạlikʼa.

Jesaea 13:2

Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

Jirimiạ 46:3

“Kạṭicʼ ar lạṭu ḍhalko benaokate lạṛhại lạgitʼ oḍok calakʼpe.