Jesaea 21:15 - সান্তালী বাইবেল

¹⁵ Onko do tarwaṛe samaṅ khon, bocʼ akatʼ tarwaṛe samaṅ khon, ṭuniạu akatʼ akʼ sar khon ar botoranakʼ lạṛhại khonko dạṛ hecʼakana.

Jesaea 21:15 Referans Kwoze

Jesaea 13:14

“Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa.

Jesaea 13:15

Ar okoeko ńamokʼ onko do khanḍateko ghạl ocokʼa; ar okoeko sapʼ ocokʼ onko do tarwaṛeteko gocʼ ocokʼa.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 22:3

Amren mukhiyạko do jotoge mitʼ domteko dạṛ pạnḍucʼ akada; ar akʼ begortege onko doko sapʼ ocoakana. Ar amre okoeko sapʼ ocolen, onko do sạṅgińteko dạṛletʼre hõ jotoge mitʼ domteko bondi idi ocoakana.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 33:3

Amakʼ aṛaṅ ańjomte hoṛ doko ńir pharakokʼa; amem rakapʼlenre onko doko chirchạturokʼa.