Jesaea 21:1 - সান্তালী বাইবেল

¹ Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jesaea 21:1 Referans Kwoze

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Jesaea 13:1

Amosren hopon Jesaea do Babel reaṅ dorsone ńamleda.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Jesaea 17:1

Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Jeheskel 31:12

Boṅgan hoṛ jạtrenko talare joto khon kurmutạha jạtren hoṛ do uniko makʼ bhinḍạṛ akadea arko bạgi oṭoakadea. Uniyakʼ maraṅ maraṅ ḍạrko do buruko ar nalako cetanre ńur akana; uniyakʼ ḍạrko do rạputʼente disạm reakʼ sanam ạtukʼ dakʼkore ńur akana. Dhạrtiren sanam jạtrenko do uniyakʼ umul khon oḍok kate uniko bạgi oṭo akadea.

Jeheskel 30:11

Uni ar uniren lạṛhại phạdko, metakʼme jạt jạtrenko talare okoeko kurmutạhage onkogeko ạgu ocokʼa disạm jarkhar lạgitʼ. Onko do Misorre jhãpko ema ar gocʼ hoṛkote disạmko pereja.

Jobakʼ 37:9

Birbao hoe do acʼakʼ oṛakʼ khone oḍok hijukʼa, ar rabaṅ do hoete oṭaṅ hijukʼ kana.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Jeheskel 1:4

Iń do beṅgetʼ rakapʼketʼteń ńelkeda utạr secʼ khon mitʼṭecʼ birbão hoe hijukʼkana, mitʼṭecʼ maraṅ rimilre bijli malkaokʼ kana ar ona beṛhaete do jhak jhak marsal tahẽkana. Ona bijli talare pitạl reakʼ jhalkaokʼkan mitʼṭecʼ marsal tahẽkana.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.

Jesaea 13:13

Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 14:14

Iń do rimil reakʼ muthni cetanreń dejokʼa; ar maraṅ Isor soman iń hoyokʼa.’

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 51:1

Probhu Isore Meneda, “Ńelpe, Leb-Kamae, metakʼme Babel ar uniren hoṛko upạrte mitʼṭecʼ jarkhaokʼ hoe iń rakapʼ ocoya.

Jirimiạ 51:51

“Apepe meneda, ‘ale babotre henosta kathale ańjom akatʼte ale dole lajao ocoakana. Lajao do aleakʼ mẽtʼãhãe betʼ akatʼtalea, ente Probhu Isorakʼ oṛakʼ reakʼ sonot ṭhạ̃ikore bidisiạkoko bololena.’