Jesaea 20:4 - সান্তালী বাইবেল

⁴ onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.

Jesaea 20:4 Referans Kwoze

Jesaea 19:4

Iń do mitʼṭen kurmutạha mạlikakʼ tire Misorrenkoń jimạkoa; mitʼṭen botoranicʼ raj do onko cetanre raje calaoa.” Ar noa kangea phạdkoren Probhu Isorakʼ katha do.

Jirimiạ 13:26

Amakʼ kicricʼ do mẽtʼãhã hạbicʼ iń rakabtama jemon amakʼ lajaoteakʼ ńelokʼtam.

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Johan sodor 3:18

Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Mikạ 1:11

E Saphirre tahenkan hoṛko, ape do uluṅ ar lajaokʼpe baṛe. Ar okoe Saananreko girobasokʼ kan onko do bako oḍok hecʼdaṛeakʼa. Beth-ethsol doe homor halaṅetʼkana; uni do ape secʼ bae teṅgona.

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Jirimiạ 46:26

Okoe onkoakʼ jiwiko sendara kan Babelren raj Nebukadnesar ar uniren lạṛhại phạdkoakʼ tire onkoń jimạkoa. Ona tayom do Misorre arhõ lahate leka hoṛko girobasokʼa. Iń Probhu Isorge noa katha doń meneda.”

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Jesaea 3:17

Ona iạte Probhu Isor do Sionren maejiuko bohokʼreye ńẽtʼkoa ar onate onko doko ceḍekʼa .”

2 Samuel 10:4

Unre Hanun do Dạudren hoṛko sapʼkate mitʼ sa aṛe reakʼ gocokoe hoyoketʼtakoa ar onkoakʼ jeleń aṅgrop reakʼ adha, metakʼme ḍanḍa hạbicʼe getʼ kuṭrạketʼtakoa are kolgotʼkatʼkoa.

Jesaea 47:2

Jante sabme ar holoṅ ridme ar ṭuṭuri ocogtam. Amakʼ kiricʼ do bulu hạbicʼ rakabtam ar gaḍako taṛam paromme.

Jirimiạ 46:19

E Misorrenko, sạṅgińte bondi idiocokʼ lạgitʼ apeakʼ jinisko sapṛaotape, ente Naph do ujạṛakʼ ar dhaṅ dhaserakʼge hoyokʼa.

Amos 9:7

Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

Sephaniạ 2:12

Probhu Isore meneda, “E Kusrenko, apehõ ińakʼ tarwaṛetepe gujukʼa.”

1 Bõsbudạ 19:4

Hanun do unre Dạudren hoṛko sapʼkate gocokoe hoyo poṭorketʼtakoa ar onkoakʼ jeleṅ aṅgrop hõ barabạri, metakʼme ḍanḍa hạbicʼe getʼ kuṭrạketʼtakoa are bidạkatʼkoa.

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 31:3

Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.