Jesaea 2:6 - সান্তালী বাইবেল

⁶ Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Jesaea 2:6 Referans Kwoze

Romiko lạgitʼ Pạul Apostolakʼ ciṭhi 11:20

Bhagegea. Menkhan onkoko rạputʼ giḍi ocoakana onkoakʼ bepạtiạu iạte ar am dom kolom mitʼ akana amakʼ pạtiạu iạte. Onate alom usul monokʼa bickom botorokʼme,

2 Rapajko 1:2

Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

Rak̕joṅ 5:20

Am do cetʼ jaejug lạgitʼem hiṛiń akatʼlea? Nunạkʼ din khon cedakʼem bạgi giḍiakatʼlea?

Jirimiạ 10:2

Probhu Isore meneda, “Boṅgan hoṛ jạtrenkoakʼ cạl-colon do alope cetʼjoṅa, ar serma reakʼ cinhạko ńelte alope torasokʼa, ente eṭakʼ jạtrenko do ona ńelteko torasokʼ kana.

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Kạhtukko 6:1

E bạbu, jãhãeren jạmindarem hoyakan khan, ar eṭakʼko lạgitʼ jạmindar hoyokʼ lạgitʼ hõm bandhok akan khan,

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

Nehemiạ 13:23

Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

2 Bõsbudạ 24:20

Unre Isorren jiu do Jehoyada naekeren hopon Sekariạ cetanreye decʼena. Uni do hoṛko samaṅre teṅgoyenteye menkeda, “Isor do niạ kathae meneda, ‘Probhu Isorakʼ hukum do cedakʼpe bemanot akada? Ape do bape jo bahakʼa. Ape do Probhu Isorpe bạgi akadete uni hõ apeye bạgi giḍi akatʼpea. ”

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

Numeri 23:7

Unre Biliam do Isor emakʼ noa katha roroṛe ehopʼena: “Balak do Aram disạm khon ińe ạgukedińạ, purub reakʼ buruko khon Moab raj do ińe ạgukedińạ. Uni doe menkeda, ‘iń ńutumte dela Jakob sarapaeme, Israelrenko upạrte bin bhạlạiyakʼ katha baṛe lạiyạńme.’

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Levitikus 19:31

“Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Exodus 22:18

“Jãhãe gunidar maejiu do jiwetʼ alope dohokoa.

1 Samuel 6:2

Tayomte Philisṭiren disạm cakʼlaoko do naekeko ar gonokko hohoatʼkote onko ṭhenko kuliyana, “Probhu Isorakʼ sinduk do bon cekaea? Ado ma lạiyalepe, ona do oka lekate acʼakʼ jaegarele kol ruạṛkakʼa?”

Jesaea 14:29

E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Jirimiạ 12:7

“Iń do amren hoṛkoń aṛakʼ giḍi akatʼkoa ar ińakʼ sompotti Israel doń bạgi akadea; ar okoeyiń dulạṛede uni do acʼren bạirikoakʼ tireń soprot akadea.

Mikạ 5:12

Iń do amakʼ gukʼnikoń nosṭo giḍikakʼa; ar mãyã biddạko beoharetʼ kan hoṛ do amre ar bako tahena.

Sephaniạ 1:8

Probhu Isore meneda, “Ińakʼ ona samaṅokʼakʼ dinre iń do rajren kạmiyạko, rajren hoponko ar okoe bidisiạkoakʼ kicricʼko horokʼetʼkan onko sanam hoṛkoń sạjạikoa.

2 Rapajko 17:20

Ona iạte Probhu Isor do sanam Israelkoe nihạ̃t giḍiketʼkoa. Uni do harket sasetreye dohoketʼkoa ar luluṭkoakʼ tireye jimạkatʼkoa, ar mucạtʼre acʼ samaṅ khone ocokʼ giḍikatʼkoa.

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.