Jesaea 2:22 - সান্তালী বাইবেল

²² Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Jesaea 2:22 Referans Kwoze

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Sereńko 146:3

Jãhãn cetan hudạren hoṛ se jãhãe manwa cetanre ape do alope ṭehãḍokʼa; onko do bako bańcao daṛeapea.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Sereńko 8:4

Unreń hudisa, manwa doe celekante, uni reakʼem dạndikʼkana? Ar Manwa Hopon baṅe celekan, onate uniyakʼ kom moneyakʼkana?

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Genesis 7:22

Ar ot cetanre tinạkʼ jiwiyanko tahẽkan, metakʼme sahẽtʼetʼ tahẽkan sanam jiwiyanko doko gocʼ cabayena.

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Jobakʼ 27:3

tinạkʼ din ińre jiwi menakʼ, tinạkʼ din Isorakʼ sahẽtʼ ińakʼ mũre tahen,

Jesaea 40:17

Jạt jạtrenko do uni samaṅre cele hõko baṅkana; onko do celege bae moneyetʼkoa; uni ṭhen do ạuṛiyakʼgeko lekhakʼ kana.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”