Jesaea 2:12 - সান্তালী বাইবেল

¹² Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Jesaea 2:12 Referans Kwoze

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

Mathae 23:12

Okoe acʼteye usulokʼ, uni doe copotʼ ocokʼa ar okoe acʼteye copodokʼ uni doe usul ocokʼa.

Malaki 4:5

“Ńelpe, Probhu Isorakʼ ona maraṅ ar botoranakʼ din ạuri hijukʼrege iń Probhu Isor do ape ṭhen Eliạ nạbiń kolea.

Amos 5:18

Hae ape do! Ape do ahkaokʼ salakʼ Probhu Isorakʼ din ńeljoṅpe khojkana! Ar cedakʼ ona din lạgitʼ dope gorojokʼkana? Ape ṭhen ona din do marsal reakʼ do baṅ hoyokʼa menkhan ńut reakʼge hoyokʼa.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jeheskel 13:5

Onko do Israel jạtrenkoakʼ pạcri bhit jut aroe lạgitʼ onḍe do bako rakapʼ akana jemon Probhu Isorakʼ dinre lạṛhại oktere ona do kajakte teṅgo akae tahen.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Jesaea 24:4

Dhạrti do hińjrạukʼ kana ar boraokʼ kana ar pirthimi do loraokʼ kana ar boraokʼ kana.

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

2 Samuel 22:28

Am do nacar jạtrenkom rukhiyạyetʼkoa, ar bạḍạiko tumbutʼ ocoko lạgitʼ amakʼ mẽtʼ do onko secʼge menakʼa.

Jobakʼ 24:1

“Sanam daṛeanicʼ do bicạr lạgitʼ okteko cedakʼ bae niṭ akada? Okoe uniko baḍae akade onko do cedakʼ ona din bako ńelńameda?

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 61:2

Probhu Isorakʼ daya reakʼ bochor ar aboren Isorakʼ hala hạli reakʼ dinko lại pasnao lạgitʼ ar hirdạukʼkanko jiwi raṛecʼtako lạgitʼ;

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Mikạ 2:3

Ona iạte Probhu Isore meneda, “Ape upạrte iń do bin bhạlạiyakʼ iń goṭa akada one ona khon apnarte ohope rukhiyạ daṛelen, ente okte do muhin reakʼge hoyokʼa.

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.

Sephaniạ 1:16

Ona do pạcrite esetʼ joto nagrahako upạrte ar konac reakʼ sanam khon usul pahra oṛakʼ upạrte sakwa reakʼ saḍe ar lạṛhại reakʼ hoho dinge hoyokʼa.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Sereńko 18:28

Amge ińakʼ jion reakʼ diuhe dom jol dohoyetʼ kana; ińren Probhu Isor do ińakʼ ńute marsalketʼtińạ.

Sereńko 37:13

Probhu Isor doe baḍaea bạṛicʼkoakʼ mucạtʼ din do sor hijukʼ kana, ar onatege uni do onko ńelteye landayeda.

Sereńko 94:2

E dhạrtiren bicạricʼ, de beretʼme; ar bạḍạikoakʼ kuṛại baṛe emkatakom.

Jesaea 5:15

Maraṅ ar huḍiń jotogeko tumbudokʼa, ar phulạukʼ kan mẽtʼ hõ copotʼ ocokʼa.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 10:33

Ńelme, phạdkoren Probhu Isor do maraṅ daṛete ḍạrkoe rạputʼ giḍiya. Ar usul usul dareko do makʼ giḍikʼa; ar onako do otre bhindạṛokʼa.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 14:15

Menkhan am do patal puritem pheḍ ocoakana, hẽ, ona khạndṛuṅ utạrakʼ jaegatem pheḍ ocoakana.

Jesaea 40:23

Uni do rapajko cetat hõ bae hoeocoyetʼkoa ar disạm cakʼlaoko hõ ạuṛiyakʼe lekhayetʼkoa.

Jirimiạ 12:9

Ińakʼ sompotti iń ṭhen do sendra cẽṛẽ leka hoyakana, one eṭakʼ sendra cẽṛẽko gherao esetʼkate ińko hạ̃neń kan. Am do senkate sanam bir janwarko jarwakate ạgukom jemon onko do uniko jom daṛeae.

Jirimiạ 13:9

“Iń Probhu Isor do noa kathań meneda, Jihudạ reakʼ bạḍại ar Jerusalem reakʼ maraṅ bạḍại do nonkageń maraoa.

Jirimiạ 50:31

Iń phạdkoren Probhu Isorgeń meneda, E bạḍạiyicʼ, ńelme, am birudrege minạńa, ente sạjại ńam reakʼ din do seṭer akantama.