Jesaea 18:2 - সান্তালী বাইবেল

² Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.

Jesaea 18:2 Referans Kwoze

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

2 Bõsbudạ 16:8

Kusrenko ar Lubiạko do ḍher rãt gạḍiko ar aswariko sudhạge cetʼ bako tahẽkana. Unre am do Probhu Isor cetanre bhorsa akanem tahẽkante uni do amakʼ tireye jimạkatʼkoa.

2 Bõsbudạ 14:9

Tayomte Kus disạmren Seraho do gel lakh lạṛhại phạdko ar pe sae rãt gạḍiwante Jihudạren hoṛko upạrteye oḍok hecʼente Maresa hạbicʼe laha hecʼena.

Jeheskel 30:9

“ ‘Enhilokʼ nicind tahen kạnicʼ Kus do botor udukʼae lạgitʼ sombat akʼsenko ińakʼ hukum lekate jahajteko oḍok calakʼa. Misor reakʼ ses dinre Kus hõe udạsokʼa, ente ona din do uni cetanre hõ hijukʼa.

Exodus 2:3

Menkhan tinre ar bae oko doho daṛeadea unre uni do pạṭiol ghãste mitʼṭecʼ piṭạri benaokate onare jaṭaṅ hasa ar alkatrae potaoada ar onare uni gidrại giticʼkedete nil gaḍa reakʼ pạṭiol gajaṛreye doho oṭokada.

Luk 10:19

Ńelpe, iń do biń ar kidińko cetanre lebedokʼ reakʼ daṛe, ar aperen bạiri Soetanakʼ sanam lekan daṛe cetanre hõ ektiạriń em akatʼpea. Onate jãhãnakʼtege ohope hạ̃nlena.

Jobakʼ 9:26

Pạṭiol reakʼ lạukạ leka ona do sohor calakʼ kana; ona do pajhaṛ leka ạphir calakʼ kana.

Jirimiạ 49:14

Probhu Isor ṭhen noa sombatiń ańjom akada je, mitʼṭen goḍet do jạt jạtrenko ṭhene kol ocoakana. Uniye meneda, “Edomre jhãp em lạgitʼ jarwakʼpe. Ar lạṛhại lạgitʼ beredokʼpe.”

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Habakkuk 1:7

Onko ńelte hoṛ do ạḍiko botorokʼa. Onko do akotege akoakʼ ạn-ạriko benaojoṅa ar okoe tabere hõ tahen do bako aṅgoca.