Jesaea 17:9 - সান্তালী বাইবেল

⁹ Enhilokʼ onkoakʼ kajak nagrahako do bir gajaṛ leka hoyokʼtakoa. Cetʼleka hoṛko do Israelko iạte nagraha bạgikateko dạṛletʼ onkage onkoakʼ dosa hõ hoyokʼtakoa. Onkoakʼ disạm do jarkharakʼge hoyokʼtakoa.

Jesaea 17:9 Referans Kwoze

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Mikạ 7:13

Dhạrtire girobasokʼ kan bedhorom hoṛko iạte dhạrti do ujạṛokʼa.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Mikạ 5:11

Amakʼ disạm reakʼ nagrahakoń maraoa ar amakʼ sanam gaṛkoń rạputʼ giḍikakʼa.

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Jesaea 17:8

Onko do akoakʼ tite benaoakʼ pinḍ secʼ bako beṅgeda, ar akoakʼ kạṭupʼte benaoicʼ Asera muṭhạn ar dhudhup pinḍko secʼ hõ bako moneyakʼa.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,