Jesaea 17:2 - সান্তালী বাইবেল

² Aroye reakʼ atoko do jaejug lạgitʼ ńir bạgiyakʼge hoyokʼa. Onako do janwarko lạgitʼge hoyokʼa. Onko do onḍegeko aḍakʼa; ar celege bako botor ocokoa.

Jesaea 17:2 Referans Kwoze

Jeheskel 25:5

Rabba nagraha do ũṭkoakʼ ạtiń ṭạnḍiń hoeocoya ar Amon disạm do bhiḍikoakʼ jirạukʼ reakʼ ṭhạ̃ige. Unre ape dope baḍae daṛeakʼa, iń kangeạń Probhu Isor do.

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.

Sephaniạ 2:6

Jalapuri aṛe reakʼ jaega do ạtiń ṭạnḍikoge hoyokʼa; onḍe do gukʼpikoakʼ kumbạ ar bhiḍikoakʼ khạṛ tahena.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Dosar Biboron 2:36

Ar Arnon soḍokʼ aṛe reakʼ Aroer nagraha ar ona soḍokʼ tala reakʼ ato khon ehopʼkate Gilead hạbicʼ nonkan jãhãn daṛeanakʼ atoko se nagraha do baṅ tahẽkana one okaṭakʼ do babon jitạu daṛeakʼ tahẽkan. Aboren Probhu Isor do onako sanamakʼge aboakʼ tireye jimạkeda.

Numeri 32:34

Gad gusṭiren hoṛko do Dibon, Atarot, Aroer.

Jirimiạ 48:19

E Aroerren hoṛko, ape do hor aṛere teṅgokate ńelpe. Ar dạṛjoṅkan hoṛko kulikope, ‘cetʼ hoyakana mente?’

Dosar Biboron 3:12

“Abo bon ạidạri akawan jaega khon iń do unre Arnon gaḍa ṭhen Aroer nagraha bahre utạr secʼ reakʼ ṭoṭha ar Gilead buru ṭoṭha reakʼ adha ar onḍenakʼ sanam atoko ar nagraha do Ruben ar Gad gusṭiren hoṛkoń ematʼkoa.

Jesaea 7:21

Enhilokʼ jãhãege mitʼṭen gại se barea merome dohokin onko do nunạkʼko toako emokʼa, uni do dahe hõe jom daṛeakʼa. Ar disạmre okoeko tahen onko sanamkoge dahe ar dumur rasako joma.

Jesaea 5:17

Unre bhiḍiko do akoakʼ khetre cetʼlekako ạtiń onkage kisạ̃ṛkoakʼ sanam dhaṅdhaser jaegakoreko ạtiń baṛaea, ar porjạtrenko do ona dhaṅdhaserakʼ jaegako hameṭjoṅa.

Jobakʼ 11:19

Giticʼ jirạu joṅre celege bako comkao ocomea. Ar ḍher hoṛ do amakʼ daya ńam lạgitʼko aroja.

Jesaea 27:10

Pạcrite esetʼ nagraha do nisun akana; ona do bạgi giḍiyakʼ oṛakʼ ar hahaṅkar leka bạgi giḍi hoyakana. Onḍe do mĩhũko ạtińa arko burumokʼa; ar dare reakʼ sakamko joma.

Jeheskel 39:26

Ar onko do akoakʼ disạmre tinre khạtirjomako girobasokʼa ar okoehõ bako botor ocokoa ar unre iń upạrteko kạmiletʼ akoakʼ lajao ar sanam bepạtiạrakʼko hiṛińạ.