Jesaea 17:11 - সান্তালী বাইবেল

¹¹ ar enhilokʼge ona dom hara ocowakʼ kana ar setakʼ do onare bhoṭokʼem hoyocoyeda, enhõ haron kosṭo ar ruạ hasokʼ dinre irokʼ lạgitʼ jãhãn phosol do baṅ tahena.

Jesaea 17:11 Referans Kwoze

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Jobakʼ 4:8

Ińiń ńelakada okoe bạṛicʼakʼko cas ar duk reakʼ itạko er onko do onakoge irjoṅa.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Sereńko 90:6

Setakʼre ona do bahakʼa; ar ạyupʼ do tolmojokʼa, ar rohoṛ cabakʼa.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.

Dosar Biboron 28:39

Ape do darkha bagwankope benao joṅa arpe joton haraea menkhan tejoko do darkha joko jom cabaetapete bape samṭao daṛeakʼa se ona reakʼ rasa hõ bape ńũ ńama.

Jesaea 17:5

Irokʼicʼ cetʼleka teṅgowakʼ phosole samṭao ar gele geleye ir jarwae, onkage Israelkoakʼ dosa do hoyokʼa. Rephayim buru nalare hoṛko cetʼleka hulạkʼko halaṅ jarwae onkage onkoakʼ dosa do hoyokʼtakoa.

Joel 1:17

Itạko do ḍhelka hasa latarre rohoṛ roṅgoyena. Phosol reakʼ murại do jarkharena, gola oṛakʼ do jotoge rạputʼ giḍi ocoakana, ente phosol do jhãorayena.