Jesaea 14:7 - সান্তালী বাইবেল

⁷ Ar ṅitokʼ do goṭa dhạrti jirạu ar nirại akana; ar onatege rạskạteko sereńeda.

Jesaea 14:7 Referans Kwoze

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Jirimiạ 51:48

Serma, ot ar onako tala reakʼ sanamakʼge Babel iạteko hulạs rạskạkʼa, ente makʼraoko do utạr secʼ khon hecʼkate unire jhãpko ema. Iń Probhu Isorge noa katha doń meneda.

Kạhtukko 11:10

Isor botoraekoakʼ bhạlại hoylen khan nagraha rạskạkʼa, ar bedhoromkoko ḍahao maraolenre hoṛko do rạskạteko andoṛa.

Sereńko 98:1

Probhu Isor ńutumte nãwãnakʼ sereńpe, ente uni do aema hahaṛawakʼkoe kạmi akada; uniyakʼ daṛe, hẽ, uniyakʼ sonot maraṅ daṛete uni doe bańcao akada.

Sereńko 47:1

E sanam jạtrenko, ape do thayoype; ar Isor ńutumte hulạs aṛaṅpe.

Sakariạ 1:11

Probhu Isorren okoeṭakʼ goḍet do mehendi dareko talareye teṅgo akan tahẽkan aswariko do uniko metadea, “Ale do goṭa dhạrti dãṛã ạcurkatele ńelkeda, goṭa dhạrtige khạtirjoma ar sulukte perecʼgea.”

Jesaea 21:2

Mitʼṭecʼ botoranakʼ dorsongeń ńel ocoyena, luluṭicʼ doe luluṭkana, nonosṭoyicʼ doe nonosṭokana. E Elam, rakapʼ senokʼme, gherao esedme, E Madiạ. Iń do uniye hoyocoakatʼ sanam kurkurạuakʼkoń caba utạra.

Jeheskel 35:14

Goṭa dhạrtirenko tinreko hulạsokʼa unre am do ujạṛ utạrakʼ iń hoyocomea.