Jesaea 14:32 - সান্তালী বাইবেল

³² Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Jesaea 14:32 Referans Kwoze

Sereńko 102:16

Probhu Isor do arhõ Sione teṅgo aroeya, ar uni do acʼakʼ ṭhonokteye ńel ocokʼa.

Sereńko 87:5

Ar Sion reakʼ do lạiyogokʼa, “Eṭakʼ eṭakʼ jạtren hoṛko do onareko janam akana; maraṅ Isor acʼtetʼge Sion doe tul rakaba.”

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.

Sereńko 87:1

Probhu Isor do sonot buruko cetanre acʼakʼ nagrahae tearjoṅa.

Jesaea 25:4

Am do nandankoren aotan gaṛ kanam, ar nacarkoakʼ kosṭokʼ okteren hõ aotan gaṛ kanam, birbão hoe khon rukhiyạ reakʼ jaega kanam ar khaṅgoṭ jaegare jharla jhạrli setoṅ khon aḍ ńam lạgitʼ umul kanam. Am do bidisiạkoakʼ kạumạuem thir akatʼtakoa. Rimil reakʼ umul cetʼleka loloye komaoetʼ onkage kurmutạhakoakʼ sereń hõm thir ocoakatʼtakoa.

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jesaea 39:1

Un jokhecʼ Babel raj Baladanren hopon Merodak Baladan do Hiskiạwakʼ ruạ ar ruạ khon bogekʼ reakʼ khobor ańjomkate uni ṭhen ciṭhi ar sandeskoe kolkeda.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jesaea 4:6

Noa do setoṅ khon umul ńam reakʼ mitʼṭecʼ chạuni ar hoe ar dakʼ khon rukhiyạ ńam lạgitʼ mitʼṭecʼ asray ṭhạ̃ige hoyokʼa.

Sereńko 102:28

Amren golamren gidrạko do jiwetʼgeko tahena; onkoren bõsko do am samaṅre ṭarhao akanko tahena.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Sakariạ 11:7

Gurko lạgitʼ okoe bhedạ palko ṭhik doho ocoakan, biseskaete iń do onko palren dukhạliạko ạtińkoń ehopʼena. Ona tayom do barea ṭheṅgań hataokeda ar ona reakʼ mitʼṭecʼ do Daya ar eṭakʼakʼ reakʼ ńutum do Tonol iń dohokeda; ar iń do ona palrenko gupiyiń ehopʼena.

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jesaea 37:32

Ar sarecʼ hoṛ do Jerusalem khonko oḍokokʼa ar Sion buru khon do rukhiyạko ńamakatʼ mitʼ dol hoṛko hijukʼa. Phạdkoren Probhu Isorakʼ ãṭ do onageye hoeocoya.

Jesaea 37:9

Ạsurren raj Senakerib doe ańjomkeda, Kus disạmren Tirhak raj do acʼ upạrte lạṛhại lạgitʼe oḍok hecʼakana. Uni do niạ kathae ańjomketʼ khan Hiskiạ ṭhen goḍetkoe kolketʼkoa. Uni do onkoe metatʼkoa,

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

2 Samuel 8:10

Ar Dạud do Hadadeser sãoteye jitạu akante uni boge judạ ar johar emae lạgitʼ Toi do acʼren hopon Joram Dạud ṭhene kolkedea. Nui Hadadeser sãote Toi do aema dhaoe lạṛhạilena. Ar Joram do Dạud lạgitʼ sona, rupạ ar pitạl reakʼ jinisko soṅgeteye ạgudaraleda.

Ibriko 11:10

ente oka nagraha tahẽ utạrokʼ uni do ona nagraha reakʼ koyokʼ horreye tahẽkana. Ona nagraha reakʼ noksa ar gathao rakab reakʼ kạmi do Isorgeye kạmiakada.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Sereńko 48:4

Rajko do akoren palṭonko jarwakate mitʼ soṅgeteko laha idiyena;