Jesaea 14:31 - সান্তালী বাইবেল

³¹ E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.

Jesaea 14:31 Referans Kwoze

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jesaea 20:1

Ạsurren raj Sargon do acʼren maraṅ subedar oka bochor Asdodteye kollede uni subedar do senkate ona upạrteye lạṛhạiyente onae hatkeda.

Jesaea 14:29

E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 24:12

Nagraha do dhaṅdhaser ḍạṅ leka hoyokʼa ar phaṭok duạrko do kuṭạm lạnduṛ ocokʼa.

Jesaea 16:7

Onatege Moabrenko do akoakʼ disạm lạgitʼ mitʼ domte ãṭ aṛaṅteko rakʼjoṅa, ar Kir-hareseth reakʼ kismis piṭhạ lạgitʼ ape do ãṭ aṛaṅtepe raga arpe dukokʼa.

Jesaea 3:26

Sion reakʼ phaṭok duạr doko homor halaṅa; ar Sion do ujạṛ akante otreye duṛupʼkokʼa.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 34:16

Ape do Probhu Isorakʼ puthire ḍunḍhạupe ar paṛhaokate ńelpe. Onḍe ol menakʼa, noko do mitʼṭen hõ bako adokʼa; ar cele hõ bin juri do bae tahena; ente ińakʼ mocate Probhu Isor doe hukum akada, ar uniren Jiu doe mitʼ ṭhene jarwakoa.

Jesaea 45:2

Uni do Korese metaekana, “Am laha lahate senkate burukoń mitʼsãoa; ar pitạl reakʼ silpińkoń rạpuda ar mẽṛhẽtʼ reakʼ huṛkạṛkoń samakʼ kuṭrạya.

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 47:4

Philisṭikoren sanamko maraokʼ reakʼ din, Tur ar Sidonren mitʼke mitʼ sarecʼ gokʼṛokoakʼ gocʼ ocokʼ reakʼ din do seṭer akana. Iń Probhu Isorge Philisṭikoakʼ, metakʼme Kaphtor dip khon hecʼakan hoṛkoń maraokoa.