Jesaea 14:30 - সান্তালী বাইবেল

³⁰ Joto khon reṅgejokʼko do jomakʼko ńama ar nacarko do nirạiteko giticʼa. Menkhan amakʼ rehetʼ do akalteń marao giḍiya, onate amren sarecʼ jiwetʼ hoṛ doko gujukʼa.

Jesaea 14:30 Referans Kwoze

Jesaea 51:19

Jarkhar ar dhaṅdhaser, akal ar tarwaṛe noakin banar muhinge amre paṛao akana. Jiwi raṛecʼ do okoeye emdaṛekema? Ar cekate iń hõ jiwi raṛecʼ iń emama?

Jesaea 37:30

“E Hiskiạ, am lạgitʼ cinhạ do nõkʼõe: nes acʼte oka janamokʼ onape joma, ar kalom ona khon oka janamokʼ onage jompe. Menkhan satom do itạpe era ar phosolpe ira ar darkha bagwan benaokate ona reakʼ jope joma.

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Jesaea 9:20

Onko do leṅgati secʼko losagre hõ reṅgecʼkoa ar jojomti secʼko tạhuṛre hõ bako tirpitokʼa. Sesre onko do apnarren hoṛkoakʼ jelgeko joma.

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Jesaea 5:17

Unre bhiḍiko do akoakʼ khetre cetʼlekako ạtiń onkage kisạ̃ṛkoakʼ sanam dhaṅdhaser jaegakoreko ạtiń baṛaea, ar porjạtrenko do ona dhaṅdhaserakʼ jaegako hameṭjoṅa.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Jobakʼ 18:13

Ona do uniyakʼ hoṛmo hartae jomtaea; gujukʼren pạhilicʼ hoponge uniyakʼ hoṛmoe tạhuṛtaea.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.