Biblia Todo Logo
Bib sou entènèt

- Piblisite -




Jesaea 14:29 - সান্তালী বাইবেল

29 E Philisṭiko, apeye ńẽtʼetʼpe tahẽkan ṭheṅga do rạputʼ akante alope rạskạkʼa. Ente bińakʼ bõs khonge ayaṅ bińe hijukʼa, ar uni biń khon do uḍạukʼicʼ bińgeye oḍok hijukʼa.

Gade chapit la Kopi




Jesaea 14:29
27 Referans Kwoze  

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.


Kạrinạṅgin reakʼ bhugạkʼ ṭhen nunu gidrạ doe enecʼa, ar nunu bạgi gidrạ do ayaṅ bińakʼ bhugạkʼko soga.


Uni do Philisṭiko upạrteye lạṛhạiyena ar Gat, Jabne, ar Asdod reakʼ bhitkoe rạputʼ giḍikada. Ona tayom uni do Asdod ṭoṭhare ar Philisṭikoakʼ judạ judạ jaegare pạcrite esetʼ adomakʼ atoko arhõe benao rakapʼkeda.


Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.


E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.


Am boehawakʼ hale ḍale oktere am do ạḍitetʼem kusiyena, ar Jihudạren hoṛkoakʼ maraokʼ dinre onko babotrem hulạsena ar onkoakʼ kosṭo hilokʼre do bạḍạitem perecʼlena.


E Israel, eṭakʼ jạtrenko leka do alom hulạs porobokʼa. Am do amren Isor bạgikate unire bepạtiạricʼem hoyakana; ar mitʼke mitʼ khạrạire kusumbi reakʼ kuṛại ńamkate am dom kusi akana.


Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”


“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’


Amren bạiriye gurokʼre alom rạskạkʼa; are tohotʼ bhinḍạṛlenre hõ amakʼ mon do aloe hulạsokʼma.


Ar Philisṭiko hõ buru latar ṭoṭha reakʼ atoko ar Jihudạ reakʼ Negebre arhõ jhãpko emkeda. Onko do Bet-semes, Aijalon, Gederot ar aḍepase reakʼ Soko, Timnạ, ar Gimsoko ạidạriante onḍe girobasokʼ ko ehopʼena.


Gasa ar onako ṭoṭha talare Philisṭiko okakoreko girobasokʼ kan tahẽkan uni do onkoe akromonketʼkoa are bhagaoketʼkoa.


Ar Probhu Isor do Moseye galmaraoadea, “Am do mitʼṭen bińem tearea ar mitʼṭecʼ ḍaṅrem akakaea. Ar biń ṭhene ger ocoakan hoṛ do uni bińe beṅgetʼae khangeye jiwedokʼa.”


Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.


Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.


E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.


Pharao do Gasa ạuriye akromonre Philisṭiko babotre Probhu Isorakʼ noa katha do Jirimiạ nạbi ṭhen sodorena,


Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.


Probhu Isor do nonkae menkeda, “Philisṭiko do Jihudạ cetanre hala hạkʼliko calao akada; onko do jug reakʼ bene bạiri meṭao lạgitʼ Jihudạ marao utạreko khojkana.


“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.


Probhu Isore meneda, “Gasa reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente onko sanam hoṛ do bondikate Edomakʼ tireko jimạ ocoakana.


Iń do Asdosren hoṛkoakʼ ar Askelonre okoeṭakʼ hoṛ raj ṭheṅgae sapʼakatʼ uniń marao utạrea. Iń do Ekron upạrte ińakʼ tiyiń tiyạrtińạ, onate Philisṭiren sarecʼ hoṛ doko gujukʼa.”


Gasa do ujạṛakʼ ar Askelon do dhaṅdhaserakʼ ṭhạ̃ige hoyokʼa. Asdodren hoṛ do siń marsalregeko laga ńir ocokʼa ar Ekron doe totʼ giḍi ocokʼa.


E Kerithiren hoṛko, okoe do jalapuri aṛerepe tahenkan, hae ape do! E Philisṭikoakʼ Kanan, am upạrte Probhu Isorakʼ katha do nonka, “Am do nonkań jarkharmea, amre celege bako tahena.”


Askilan do ona ńelteye botorokʼa, Gasa do hasoteye thakaokʼa ar Ekronakʼ dosa hõ onage hoyokʼa, ente uniyakʼ as do baṅ puruạukʼtaea. Gasa do acʼren raje adea ar Askelonre do celege bako tahena.


Swiv nou:

Piblisite


Piblisite