Jesaea 14:24 - সান্তালী বাইবেল

²⁴ Phạdkoren Probhu Isor do kiriạkateye meneda, “Sạrige, iń oka lekań ṭhik dohoakatʼ onkage hoyokʼa, ona do teṅgo tahena.

Jesaea 14:24 Referans Kwoze

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Jobakʼ 23:13

Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.

Jirimiạ 29:11

Ape lạgitʼ ińakʼ goṭawakʼ do ińiń baḍaea; ona do apeakʼ bhạlại lạgitʼge, bạṛicʼ lạgitʼ do baṅa. Ar ona goṭawakʼ hotetege apeakʼ tayom daram reakʼ as do purạukʼtapea.

Ephesiko lạgitʼ Pạul Apostolakʼ ciṭhi 1:9

Uni do okalekae khojletʼ ar Mạsi hotete okaleka laha khongeye ṭhik dohoakatʼ tahẽkan, onka lekage uni do acʼakʼ okoakʼ monsubạkoe baḍae ocoletʼ bon tahẽkana.

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

Ibriko 4:3

Menkhan abo do bon pạtiạu akana ar uniyakʼ ona gokʼakʼ reakʼ jirạukʼ jaegare bon boloakana. Ar noa jirạukʼ reaṅ do Isore menakada, “Onate iń do edrete kiriạyenteń menleda, ‘onko do ińakʼ jirạukʼ jaegate ohoko bolo daṛelena.’ ” Menkhan noare jãhãn bhul bạnukʼa je, dhạrti sirjạu tayom Isorakʼ kạmi sạten khan jirạukʼ ehopʼena mente.

Jirimiạ 23:20

Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Sereńko 92:5

E Probhu Isor, amakʼ kạmiko do ạḍi bhagegea ar amakʼ hudisko hõ ạḍi khạndrigea!

Exodus 17:16

Moseye menkeda, “Probhu Isorakʼ siṅghạson upạrte ti rakapʼ hoyakana, ona iạte piṛhike piṛhi Probhu Isor do Amalekiko birudreye tahena.”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 19:12

Amren ạkilan hoṛ ńitokʼ do okare menakʼkoa? Misor upạrte phạdkoren Probhu Isor okae ṭhik dohoakatʼ ona do apnarteko baḍaema ar amko metam ma.

Jesaea 19:17

Ar Jihudạ disạm do Misorrenko lạgitʼ mitʼṭecʼ torasge hoyokʼa. Phạdkoren Probhu Isor do onko upạrte oka cekae lạgitʼe ṭhik akawan ona iạte onko doko botorokʼa.

Jesaea 55:8

Probhu Isore meneda, “Ińakʼ hudis joṅakʼko do apeakʼ hudisakʼko leka do baṅ kana; ar ińakʼ hor hõ apeakʼ horko leka do baṅkana.

Jesaea 55:9

Sermako cetʼleka dhạrti khon ḍher coṭge, onkage ińakʼ horko hõ apeakʼ horko khon ḍher sạṅgińgea, ińakʼ hudisakʼko hõ apeakʼ hudisakʼko khon ḍher coṭgea.

Jirimiạ 49:20

Onate Probhu Isor do Edom upạrte okae goṭa akatʼ, ar Temanren hoṛko upạrte okae pontha akatʼ ona ańjomme. Palren kạṭicʼ hoponko hõko or idi ocokʼa; onkoakʼ kạmi khạtirtege ạtiń ṭạnḍi doe maraoa.

Jirimiạ 50:45

Onate Probhu Isor do Babel upạrte okae goṭa akatʼ, ar Babelren hoṛko upạrte okae pontha akatʼ ona ańjompe. Palren kạṭicʼ hoponko hõko or idi ocokʼa; ar onkoakʼ kạmi khạtirtege ạtiń ṭạnḍi doe maraoa.

Jeheskel 12:25

Unre iń Probhu Isor okaṭakʼ iń roṛ onage purạukʼa, ar baṅ bilomokʼa. E huhulkan jạtrenko, iń okań roṛetʼ ona do apeakʼ okteregeń purạu ocoya. Iń Probhu Isorge noa katha doń meneda.’ ”

Jeheskel 39:4

Israel reakʼ buruko cetanre am ar amren sanam lạṛhại phạdko ar am sãote jạtrenko do giḍi akanko tahẽkan. Ar am do gidi ar janwarkoakʼ jomakʼgeń hoyocomea.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Genesis 41:32

Noa kukmũ do Maharaj bar dhaoe ńel ocoakana. Noa reakʼ mane do hoyokʼkana, Isor doe niṭ dohoakada ar hako pakoge ona doe hoeocoya.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.