Jesaea 14:23 - সান্তালী বাইবেল

²³ Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jesaea 14:23 Referans Kwoze

Sephaniạ 2:14

Onḍe do ḍaṅgra ar bhiḍi palko ar sanam jạtren jiwiyanko basakʼa. Hahaṅkarren kokor ar dundu do ona reakʼ khunṭi chatnakoreko basakʼa, ar jalna secʼte onkoakʼ rakʼ do ańjomokʼa. Oṛakʼ duạr do marao utạrokʼa ar onako reakʼ debdạru dare reakʼ tokta do luṭ idikʼa.

Johan sodor 14:8

Tayomte dosaricʼ ar mitʼṭen serma goḍet do uni tayom tayomte hecʼkateye menkeda, “Ona Babel nagraha do ḍahao maraoena. Okaṭakʼ nagraha do acʼakʼ loṭghuṭi reakʼ botoranakʼ bubulakʼ sanam jạtrenkoe ńũ ocoletʼko ona naṅgrha do ḍahao marao akana.”

1 Rapajko 14:10

Ona iạte iń do Jerobiamakʼ bõs cetanre usạrage muhiniń paṛao ocoya. Uniyakʼ bõs khon mitʼke mitʼ herel hoṛ doń marao utạrkoa- baṅ doe golamkan ar baṅ doe sạdhin kan. Hoṛ do cetʼ leka gõeṭha rapakʼkateko torocʼ ocoyetʼkan onkage Jerobiamakʼ bõskoń marao utạra.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 13:20

Onare do ar tishõ bako tahena se piṛhike piṛhi celege onḍe do bako girobasokʼa. Arobrenko hõ onḍe do tạmbu bako ṭaṅgaoa, jãhãe gukʼpiko hõ onḍe akoren palko bako aḍakoa.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

Jirimiạ 50:26

E Babelren bạiriko, ape do sạṅgiń khon uni upạrte hijukʼpe. Uniyakʼ murạiko jhijtaepe; jarwa akatʼ anaj leka puńjiyepe. Ar purạte marao utạrepe, uniyakʼ cetʼge sarecʼ alope dohoytaea.

Jirimiạ 51:62

Ar ona tayomem mena, ‘E Probhu Isor, am do niạ ṭhạ̃i marao reakʼ katham meneda, onate manwa se janwar okoe hõ celege bako basokʼa; noa do jaejug lạgitʼ ujạṛ akange tahena.’