Jesaea 14:19 - সান্তালী বাইবেল

¹⁹ Menkhan am do giḍi akatʼ dare ḍạr leka topa khon bahretem giḍi ocoakana. Ar tarwaṛeteko gocʼakan okoe do patal puri reakʼ khạndṛuṅ utạrakʼ jaegateko kol ocoakan onkoakʼ mạ̃ṛĩtem ten ocoakana. Am do jaṅgate lebetʼ gańjao akatʼ mạ̃ṛĩ lekam hoyakana.

Jesaea 14:19 Referans Kwoze

Jirimiạ 41:9

Gedaliạ ar eṭakʼko gocʼkate okaṭakʼ kuńre onkoakʼ mạ̃ṛĩye giḍiletʼtako ona do Israelren raj Bakʼasawakʼ ti khon rukhiyạ ńam lạgitʼ Asa raj do onae benaoan tahẽkana. Ar Ismael do mạ̃ṛĩkote onae giḍi dhapaokada.

Jirimiạ 41:7

Onko do nagrahateko boloyen são sãote Ismael ar uni soṅgeten hoṛ do onko hoṛko gocʼketʼkote mitʼṭecʼ kuńreko giḍikatʼkoa.

Jeheskel 32:23

Onkoakʼ topa do Seol reakʼ khandṛaṅre menakʼa ar uniren lạṛhại phạdko do uniyakʼ topa beṛhaeteko gocʼ akana. Jiwetʼkoakʼ disạmre okoe do botorko unạnakatʼ onko sanamge lạṛhạireko gocʼ ocoakana.

Jirimiạ 22:19

Gadha cetʼ lekae topa ocokʼ onkage uni hõe topa ocokʼa; uni do Jerusalem reakʼ phaṭok duạr bahrete or idikateko giḍikaea.”

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

2 Rapajko 9:25

Unre Jihu do acʼ sãoten subedar Bidkare metadea, “Ma kuṭuṅ idiyem ar Jisreyelren Nabatakʼ jumire giḍikaeme. Disạime, uniren apat Ahab tayomte rãt gạḍite laṅ calakʼkan tahẽkanre Probhu Isor do Ahab upạrte niạ kathae menleda,

1 Rapajko 21:24

Amren okoeko hoṛ nagrahareko gujukʼ onko do seta ṭhenko jom ocokʼa ar okoe ṭạnḍireko gujukʼ onko do cẽṛẽko ṭhenko jom ocokʼa.’ ”

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 13:15

Ar okoeko ńamokʼ onko do khanḍateko ghạl ocokʼa; ar okoeko sapʼ ocokʼ onko do tarwaṛeteko gocʼ ocokʼa.

Jesaea 14:18

“Jạt jạtren sanam rapajko do ṭhonokreko giticʼakana, onkoakʼ apan ạpin topare.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jirimiạ 51:4

Onko do ghạl iạte Babel reakʼ hor horte gocʼ bhinḍạṛ akanko tahena.”

Jeheskel 32:27

Menkhan onko do bin khatna akan eṭakʼ lạṛhại birko sãote do bako giticʼ tahena. Onko lạṛhại bir do khanḍa bhanḍawante Seolteko pheḍ akana, onkoakʼ tarwaṛe do onkoakʼ bohokʼ latarre doho akana ar onkoakʼ kại reakʼ sạjại do onkoakʼ jaṅko cetanrege menakʼa. Onko do jiwetʼkoakʼ disạmre torasko udukʼako kan tahẽkana.