Jesaea 14:18 - সান্তালী বাইবেল

¹⁸ “Jạt jạtren sanam rapajko do ṭhonokreko giticʼakana, onkoakʼ apan ạpin topare.

Jesaea 14:18 Referans Kwoze

Jesaea 22:16

‘nonḍe do cetʼem ceka kana? Ar nonḍe amakʼ topa lae lạgitʼ, usul jaegare amakʼ topa ṭhạ̃i ṭhik lạgitʼ, ar buru kholaokate jirạukʼ jaega benao lạgitʼ ạidạri do okoeye em akatʼmea?

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

2 Bõsbudạ 24:25

Ar Aramrenko do Joas raj ghạlgeko bạgi oṭoadea. Joas do naeke Jehoyadaren hopone gocʼ ocoledete uniren gutiko hõ uni upạrte soṛojontrokate aṭetʼregeko gocʼkedea. Are gocʼen khan uni do Dạud nagrahareko topakadea, menkhan rapajkoakʼ topare do bako topaledea.

2 Bõsbudạ 24:16

Israelko modre Isor ar uniyakʼ oṛakʼ lạgitʼ bhageakʼe kạmiletʼte uni do Dạudakʼ nagrahare rapajko sãoteko topakedea.

Sosolhayic̕ 12:5

Unre usul jaegate ar horte calakʼ doe botorokʼa. Ar badam dare do bahakʼa, sosrocʼ do hoḍgor hoḍgore taṛama hichạ baha do mosodokʼa. Ona tayom manwa do jaejug reakʼ oṛakʼteye calakʼa, ar hokʼmorko do kulhireko dãṛãbaṛaea.

Sosolhayic̕ 6:3

Jãhãe hoṛren mitʼsae hopon ar hoponerako tahentae ar ḍher din jiwetʼe tahen, menkhan jionre suk bae bhog ar lek leka topa hõ bako topaye enḍekhan jãhãtinạkʼ bochorge jiwetʼe tahen ińiń menkea ona khon bickom gocʼ hopon ar hoponerakoakʼ janamge bhagekokʼa.

Jesaea 14:17

Nuige cetʼ, prithimi doe hahaṅkar barag ocoletʼa, ar nagrahakoe dhaṅdhaseletʼ tahẽkana, ar bondiko oṛakʼte bae ruạṛ ocoako kan tahẽkana?’

Jesaea 14:19

Menkhan am do giḍi akatʼ dare ḍạr leka topa khon bahretem giḍi ocoakana. Ar tarwaṛeteko gocʼakan okoe do patal puri reakʼ khạndṛuṅ utạrakʼ jaegateko kol ocoakan onkoakʼ mạ̃ṛĩtem ten ocoakana. Am do jaṅgate lebetʼ gańjao akatʼ mạ̃ṛĩ lekam hoyakana.

2 Rapajko 9:35

Menkhan hoṛko do uni topaye lạgitʼko senen khan bohokʼ khạpri, ti ar jaṅga chaḍa ar cetʼge bako ńamletʼtaea.

Jobakʼ 3:14

Iń do rajko ar mukhiyạko sãoteń tahẽkokʼa ar okoe apnar lạgitʼ dalanko benaoletʼ ona do teheń dhaṅdhaser akana.