Jesaea 14:15 - সান্তালী বাইবেল

¹⁵ Menkhan am do patal puritem pheḍ ocoakana, hẽ, ona khạndṛuṅ utạrakʼ jaegatem pheḍ ocoakana.

Jesaea 14:15 Referans Kwoze

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puritem giḍi ocokʼa. Okako hahaṛa kạmi amre hoyakan, onako Sodomre hoylen khan enḍekhan teheń hạbicʼ ona do tahẽkokʼa honaṅ.

Jeheskel 32:23

Onkoakʼ topa do Seol reakʼ khandṛaṅre menakʼa ar uniren lạṛhại phạdko do uniyakʼ topa beṛhaeteko gocʼ akana. Jiwetʼkoakʼ disạmre okoe do botorko unạnakatʼ onko sanamge lạṛhạireko gocʼ ocoakana.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Luk 10:15

Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”

Jesaea 14:16

Okoe amko beṅgetʼam onko do am secʼ koyokʼ akaeko tahena. Ar amakʼ dosa ńelteko mena, ‘okoe do pirthimiye ḍikạ ḍakeyetʼ tahẽkan ar rajosṭikoe dalmalaoetʼ tahẽkan nui do cetʼ uni hoṛ doe baṅkana?

Jeheskel 31:16

Gocʼ hoṛko sãote tinre Seolteń pheḍkadea unre uniyakʼ ńurokʼ reakʼ saḍete boṅgan hoṛ jạtrenko doko thar tharaoena. Unre Eden reakʼ sanam dareko, Lebanon reakʼ bachao akan ar soros soros dareko ar mońjte dakʼ ńam akawatʼ sanam dareko do ot reakʼ latar utạrakʼkore jiwi raṛecʼko ńamkeda.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Jeheskel 31:14

Ona iạte dakʼ aṛe reakʼ eṭakʼ jãhãn dareko do bạḍạite baṅ usulokʼa, ona reakʼ muthniko do rimil bae tiyoga ar ona do nunạkʼ coṭhõ baṅ hara rakabokʼa. Onako joto do manwa leka gujukʼ tabe reakʼ kana; onako do dhạrti reakʼ khạndri, metakʼme patal purite pheḍokʼ lạgitʼ ṭhik doho akana.

Obodiạ 1:3

Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.