Jesaea 13:22 - সান্তালী বাইবেল

²² Onḍenakʼ buruńjre do toyoko raga ar khĩkṛĩ do gaṛreko tahena. Babel reakʼ okte do hecʼakana onako reakʼ din do ar baṅ ḍher ocowakʼa.”

Jesaea 13:22 Referans Kwoze

Jirimiạ 51:33

Iń phạdkoren Probhu Isorgeń meneda, “Babel kuṛi do phosol enokʼ jokhecʼ reakʼ khạrại lekageye hoyakana; ar phosol samṭao leka uni samṭaoe reakʼ okte do usạrage hijukʼa.”

Jesaea 35:7

Rohoṛ ṭhon ṭhon jumi do pukriko hoyokʼa, ar tetaṅokʼkan ot do dakʼ reakʼ jharnakoge; ar toyoko tahenkan jaega do dalahe, chuci ar pạṭiolge janamokʼa.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Jesaea 34:13

Ona doṅgolre do jạnum jhonḍako hara rakapʼa, seṅgel siń ar rạigạini do ona reakʼ gaṛkore. Ona disạm do toyokoakʼ dander ar ũṭ cẽṛẽkoakʼ tahen jaega hoyokʼa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Sereńko 44:19

Menkhan am do enhõ nonkan mitʼ jaegare alem rạputʼ caba akatʼlea one okare toyokoakʼ ḍerakan; ar ale do kaṛaṅ ńutrem esetʼ ạcur akatʼlea.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jesaea 43:20

Bir janwar, toyo ar ũṭ cẽṛẽko do ińko sarhaoińa, ente ińren hoṛko, ińren bachao akan hoṛkoakʼ jomakʼ lạgitʼ hahaṅkarre dakʼiń jogao akoa ar khaṅkarre do gaḍań hoeocoya.

Jirimiạ 9:11

Probhu Isore meneda, “Jerusalem do mitʼṭecʼ dhaṅdhaserakʼ ar toyokoakʼ tahen lạgitʼ bhugạkʼgeń hoeocoya. Ar Jihudạ nagrahako do nonkań dhaṅdhasera, onḍe do ar okoehõ bako girobasokʼa.”

Jirimiạ 48:16

“Moabakʼ ńurokʼ do sor hecʼakana; uniyakʼ muhin do usạrage hijukʼa.

Rak̕joṅ 4:3

Toyoko hõ akoren hoponko nunuako kana, menkhan ińren hoṛko do hahaṅkarren ũṭ cẽṛẽ leka kurmutạhako hoyakana.

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jesaea 34:14

Hahaṅkarren janwarko do toyo sãoteko tahena ar bir meromko do ako akoko hohojoṅa. Onḍe do ńindạ dãṛãn bhutko girobasokʼa; ar jirạukʼ jaegako ńam baṛaea.

Sephaniạ 2:14

Onḍe do ḍaṅgra ar bhiḍi palko ar sanam jạtren jiwiyanko basakʼa. Hahaṅkarren kokor ar dundu do ona reakʼ khunṭi chatnakoreko basakʼa, ar jalna secʼte onkoakʼ rakʼ do ańjomokʼa. Oṛakʼ duạr do marao utạrokʼa ar onako reakʼ debdạru dare reakʼ tokta do luṭ idikʼa.