Jesaea 13:21 - সান্তালী বাইবেল

²¹ Menkhan bir janwarkoge onḍe doko mạnḍiạukʼa, onḍenakʼ oṛakʼ-duạrko do bir dundukote perejokʼa, ũṭ cẽṛẽko onḍeko tahena ar bir merom boda doko don baṛaea.

Jesaea 13:21 Referans Kwoze

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Jesaea 23:13

Kạldikoakʼ disạm beṅgetʼakʼpe; mitʼ okte uniren hoṛko do celege bako baḍaeyetʼko tahẽkana. Ạsurrenko Babel do hahaṅkarren janwarkoakʼ ṭhạ̃iko hoy ocoakada, menkhan Babelrenko do Tur upạrte jhãp em lạgitʼ pahra oṛakʼ leka usul usul rãt gạḍiko benao akada, ar uniyakʼ maraṅ maraṅ oṛakʼko luṭ akada ar dhaṅ dhaserakʼ ḍạṅ lekako hoyocoakada.

Jesaea 32:14

Tin hạbicʼ cetan khon sonot jiu abore bae dul ocokʼ ar hahaṅkarre bhage jumi ar bhage jumi do bir gajaṛ leka baṅ hoyokʼ, unhạbicʼ gaṛre ar rão rãokʼkan nagrahare do celege bako tahena, ar buru ar pahra buruńj do dander leka hoyokʼa. Ar ona do bir gadhakoakʼ rạskạjoṅ reakʼ ṭhạ̃i ar janwarkoakʼ ạtiń jaegakoge hoyokʼa.

Jirimiạ 50:39

“Ona iạte hahaṅkarren jiwiyanko, toyoko ar ũṭ cẽṛẽko do onḍeko tahena. Onḍe do cele hoṛge bako tahena, herelko hõ baṅ ar maejiuko hõ bako berelokʼa.

Mikạ 1:8

Noa iạte iń doń rakʼjoṅa ariń homora; iń do eken jaṅga uluṅgeń dãṛã baṛaea; iń do toyo ar utʼ cẽṛẽ rakʼ lekageń homora.

Sephaniạ 2:14

Onḍe do ḍaṅgra ar bhiḍi palko ar sanam jạtren jiwiyanko basakʼa. Hahaṅkarren kokor ar dundu do ona reakʼ khunṭi chatnakoreko basakʼa, ar jalna secʼte onkoakʼ rakʼ do ańjomokʼa. Oṛakʼ duạr do marao utạrokʼa ar onako reakʼ debdạru dare reakʼ tokta do luṭ idikʼa.

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.