Jesaea 13:20 - সান্তালী বাইবেল

²⁰ Onare do ar tishõ bako tahena se piṛhike piṛhi celege onḍe do bako girobasokʼa. Arobrenko hõ onḍe do tạmbu bako ṭaṅgaoa, jãhãe gukʼpiko hõ onḍe akoren palko bako aḍakoa.

Jesaea 13:20 Referans Kwoze

Jirimiạ 51:43

Uniyakʼ nagrahako do marao utạrokʼa. Onako do khaṅgoṭokʼa ar hahaṅkar disạm leka hoyokʼa; ona disạmre do okoehõ bako tahena, ar ona talate okoehõ bako calao hijukʼa.

Jesaea 14:23

Ona do jhĩkko reakʼ ạidạri ar dakʼ ghaḍlakʼkoń hoeocoya. Ar mohor meṭao reakʼ jonokʼte ona doń jokʼ saphaea. Phạdkoren Probhu Isorge niạ katha doń meneda.”

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Jirimiạ 51:25

Probhu Isore meneda, “E jarkharicʼ buru, am do goṭa dhạrtiren makʼraoicʼ kanam; iń do am upạrte minạńa. Iń do am upạrte ińakʼ tiyiń tiạra ar cạṭạni khoniń kunḍlạń ńurhạmea ar am do mitʼṭecʼ lo ceḍe buru lekań hoyocomea.

Jirimiạ 50:45

Onate Probhu Isor do Babel upạrte okae goṭa akatʼ, ar Babelren hoṛko upạrte okae pontha akatʼ ona ańjompe. Palren kạṭicʼ hoponko hõko or idi ocokʼa; ar onkoakʼ kạmi khạtirtege ạtiń ṭạnḍi doe maraoa.

Jirimiạ 50:39

“Ona iạte hahaṅkarren jiwiyanko, toyoko ar ũṭ cẽṛẽko do onḍeko tahena. Onḍe do cele hoṛge bako tahena, herelko hõ baṅ ar maejiuko hõ bako berelokʼa.

Jirimiạ 50:21

“E Babelren bạiriko, iń Probhu Isorgeń meneda, ape do Merathaim disạm ar okoe do Pekodreko tahenkan onko upạrte rakapʼ senokʼpe. Ape do onko laga ńirkope, ar gocʼkope ar marao utạrkope; ar apeń hukum akawatʼpe reakʼ mitʼke mitʼ palonpe.

Jirimiạ 50:13

Probhu Isorakʼ edre iạte okoehõ onare do bako girobasokʼa, ona do ujạṛ utạrakʼ ṭhạ̃ige hoyokʼa. Ar Babel aṛete okoeko parom calakʼ onko jotogeko torasokʼa ar uniyakʼ sanam duk iạteko landa-dhutʼaea.

Jirimiạ 50:3

Utạr khon mitʼ jạtrenko do uni upạrteko hijukʼa ar uniyakʼ disạm do ujạṛakʼko hoeocoya. Okoe hõ onare do bako girobasokʼa; manwa hõ ar janwar hõko dạṛjoṅa.

2 Bõsbudạ 17:11

Adom adom Philisṭiko do Jehosaphat ṭhen khajna lekate dan sandesko ar rupạkoko ạgukeda ar Arabrenko do eaehajar eaesae bheḍako ar eaehajar eaesae meromko emadea.

Jirimiạ 51:37

Babel do ujạṛ akatʼ ḍạṅge hoyokʼa, toyokoakʼ tahen ṭhạ̃ige hoyokʼa ar landa-dhutʼakʼ ṭhạ̃i hõ. Onḍe do celege bako girobasokʼa; uniyakʼ dosa ńelte hoṛ doko torasokʼa.

Soros sereń 1:7

E ińren dulạṛiạtiń, mase lạiyạńme, amren pal bhiḍiko do okarem gupikoa? Ar tikin jokhecʼ do okarem aḍakoa? Am sãoten gupikoren pal bhiḍiko ṭhen cedakʼ kusumbiko leka doń ṭuṭuri calakʼa;

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jirimiạ 49:33

Hasor do toyokoakʼ tahen reakʼ ṭhạ̃i ar jaejug ujạṛakʼge hoyokʼa. Onḍe do okoe hõ bako girobasokʼa, ar cele manwage onare do bako tahena.”

Jobakʼ 3:7

Ona ńindạ do bạńjhige baṛe hoyokʼma, rạskạ reakʼ cetʼ sereńge onare alo ańjomokʼma.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 34:17

Uni do gulibãṭkate ar jokha baberte soṅkate ona jaegae hạṭińakoa. Ar ona do jaejug onkoakʼge tahena; ar piṛhike piṛhi onko do onḍeko girobasokʼa.