Jesaea 13:18 - সান্তালী বাইবেল

¹⁸ Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jesaea 13:18 Referans Kwoze

2 Rapajko 8:12

Hosael do uniye kulikedea, “E ińren mạlik cedakʼem rakʼeda?” Elisaeye roṛ ruạṛkeda, “Ente iń doń baḍaegea Israelkoakʼ cetʼkom loksantakoa mente. Am do onkoakʼ gaṛkore seṅgelem jeretʼakʼa, ar tarwaṛete onkoren juạnkom gocʼkoa, onkoren kạṭicʼ gidrạ do otrem tawakʼ gocʼkoa ar onkoren bhạrti hoṛmowan maejiukoakʼ lacʼ dom getʼ cirạitakoa.”

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Jesaea 13:16

Onkoakʼ mẽtʼãhã samaṅrege gidrạkoko tawakʼ gocʼkoa; onkoakʼ oṛakʼ duạrko luṭtakoa ar maejiuko nosṭokoa.

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jirimiạ 5:16

Onkoakʼ sar ṭhoṅga do jhicʼ akatʼ kobor leka; onko jotoge daṛean bir kanako.

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 50:30

Ona iạte uniren juạnko do nagraha reakʼ kulhi ar dobạṭiạkoreko gocʼ ocokʼa; ar enhilokʼ uniren sanam lạṛhại phạd doko marao ocokʼa.

Jirimiạ 50:42

Onko do akʼ sar ar tarwaṛe sasapʼko kanako; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ, jalapuri reakʼ hud hud saḍe leka onkoakʼ sabad do; E Babel kuṛi, onko do lạṛhại reakʼ sajbajte amre jhãp em lạgitʼko hijukʼkana.

Jirimiạ 51:22

am hotetege iń do herel ar maejiukoń chirchạtur akatʼkoa, am hotetege haṛamko ar bale gidrạkoń chirchạtur akatʼkoa, am hotetege juạn ar juạnikoń chaka chun akatʼkoa;

Daniel 7:5

“Ona tayom iń do dosaricʼ janwariń ńelkedea. Uni do ńelokʼte Bana lekae tahẽkana. Uni do mitʼ dhaṛateye duṛupʼ akana ar uniyakʼ mocare do pańjra reakʼ pea jaṅ tahẽkana. Uni doe men ocoyena, ‘am do senkate lacʼ bikʼ jel jomme.’