Jesaea 13:14 - সান্তালী বাইবেল

¹⁴ “Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa.

Jesaea 13:14 Referans Kwoze

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

Jirimiạ 50:16

Babelre okoe do itạko erokʼkan ar okte nạpitreko irokʼkan onko mitʼmitʼko do maraokope. Sasantaokoakʼ tarwaṛe reakʼ botorte mimitʼko do akoren hoṛ ṭhenko ruạṛ calakʼa, ar mimitʼko do akoakʼ disạmteko dạṛjoṅa.

1 Rapajko 22:36

Ar siń cando hạsurokʼ jokhecʼ lạṛhại phạdko noa kathako lại ocoyena, “Ape mimitʼko do apan ạpin oṛakʼte ruạṛokʼpe.”

Jirimiạ 51:9

Hoṛko mena, “Ale do Babel bogeye reakʼle kurumuṭuletʼgea, menkhan uni do bae bogelena. Dela, abo do uni bon bạgi oṭowaema ar apan ạpin disạmte bon ruạṛ calakʼma, ente uniyakʼ sạjại do coṭ hạbicʼ rakapʼ akana, ar rimil hạbicʼ seṭerakana.”

Jesaea 47:15

Okoeko soṅgetem kurumuṭuletʼ ar juạn jokhecʼ okoeko tulucʼem karbarletʼ onko do onkageko hoyokʼa. Onko mimitʼko do apan ạpin horteko mohnḍa akana; am bańcaome lạgitʼ mitʼ hoṛ hõ bạnukʼkoa.”

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

Jesaea 21:15

Onko do tarwaṛe samaṅ khon, bocʼ akatʼ tarwaṛe samaṅ khon, ṭuniạu akatʼ akʼ sar khon ar botoranakʼ lạṛhại khonko dạṛ hecʼakana.

Jirimiạ 25:12

Menkhan eaegel bochor purạulen khan iń do Babelren raj ar uniyakʼ jạtrenko do onkoakʼ behokakʼ iạteń sạjạikoa ar Babel disạm do jaejug lạgitʼ iń ḍahao maraoa.

Nạhum 3:18

E Ạsurren raj, amren mukhiyạ doko jạpitʼ joṅkana; ar amren rajren kạmiyạko doko giticʼ akana. Amren hoṛko do burureko pasnao akana, ar onko jarwako lạgitʼ do celege bạnukʼkoa.