Jesaea 13:13 - সান্তালী বাইবেল

¹³ Ona iạte iń do sermań daldalao ocoya; ar phạdkoren Probhu Isorakʼ kurkurạukʼte uniyakʼ jaljalaokʼkan edre dinre pirthimi do ḍikạ ḍakekʼa.

Jesaea 13:13 Referans Kwoze

Joel 3:16

Probhu Isor do Sion khone hạnḍrạukʼa, ar Jerusalem khon acʼakʼ aṛaṅe ańjom ocoytaea; serma ar ot do dal dalaokʼa. Menkhan Probhu Isor do acʼren hoṛkoren hirlại hoyokʼa.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

2 Patras 3:10

Menkhan Probhu Isorakʼ din do kombṛo leka hijukʼa. Ona dinre serma do sãe sãe saḍete parom calakʼa ar siń cando, ńindạ cando, ipilko sanamgeko atarokʼa arko le cabakʼa. Dhạrti ar onare menakʼ sanamakʼge ḍahao maraokʼa.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Rak̕joṅ 1:12

Ape okoe do iń aṛetepe parom calakʼkan ape do cetʼ jãhãnakʼge baṅ cekakʼ kantapea? Ạribạndhipe ar ńelpe. Iń cetʼ lekań harkhet sasetʼ ocokʼkan onka do cetʼ jãhãeko harkhet ocoakana, okaṭakʼ Probhu Isor do acʼakʼ jolokʼkan edre hilokʼe emakawạdiń?

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Jobakʼ 9:6

Acʼakʼ jaega khon pirthimi doe dal dalaoa, ona reakʼ khunṭikoe thar tharao ocoya.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Sereńko 88:16

Amakʼ botoranakʼ edre do iń cetante parom calao akana; ar amakʼ botoranakʼ uyukʼ do ińe seskedińa.

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jesaea 23:11

Probhu Isor do jalapuri cetanre acʼakʼ tiye tiyạr akatʼtaea ar rajosṭikoe daldalao akada. Uni do Kanan disạm babotre mitʼṭecʼe hukum akada jemon ona reakʼ gaṛkoe marao giḍikakʼ.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 24:18

Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Jesaea 24:19

Dhạrti do kaṭra kuṭrạ cabakʼa, dhạrti do oṛejokʼa ar dhạrti do botorge dal dalaokʼa.

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

Jirimiạ 51:1

Probhu Isore Meneda, “Ńelpe, Leb-Kamae, metakʼme Babel ar uniren hoṛko upạrte mitʼṭecʼ jarkhaokʼ hoe iń rakapʼ ocoya.