Jesaea 13:10 - সান্তালী বাইবেল

¹⁰ Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Jesaea 13:10 Referans Kwoze

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Mark 13:24

“Ona okte reakʼ santao tayomge siń cando doe ńutokʼa, ar ńindạ cando do bae terdeja,

Joel 2:31

Probhu Isorakʼ ona maraṅ ar botoranakʼ din hijukʼ lahare siń cando doe ńutokʼa ar ńindạ cando do mãyãm lekae hoyokʼa.

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Luk 21:25

“Unre siń cando, ńindạ cando ar ipilkore ạḍi lekan cinhạko ńelokʼa. Dhạrtiren sanam jạtrenko do kosṭoko ńama ar jalapuri reakʼ hudhud saḍe ar ḍheoko iạte onko do jiwi oṭaṅokʼtakoa.

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Jesaea 5:30

Enhilokʼ onko do doreão reakʼ hud hud saḍe leka Probhu Isorren hoṛko cetanreko gondraokʼa. Jãhãege unre disạm secʼe beṅged enḍekhan uni do ńut ar kosṭogeye ńela; ar marsal hõ rimilte danaṅokʼte ńutokʼa.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Aposkạmi 2:20

Probhu Isorakʼ ona maraṅ ar ṭhonokte perecʼ dinko hijukʼ lahare, siń cando doe ńutokʼa; ar ńindạ cando do mãyãm lekae hoyokʼa.

Jobakʼ 9:7

Uniye baron lekhan siń cando hõ marsal bae ema ar ipilko hõ bako jolokʼa.

Sosolhayic̕ 12:2

Unre siń cando, ar marsal, ńindạ cando ar ipilkoko ńutokʼa, ar jạṛi dakʼko tayom rimil do arhõ ruạṛ hijukʼa.

Jesaea 47:5

Probhu Isore meneda, “E Babel, am do duṛupʼ thirkokʼme; ar ńutre bolokʼme. Ente rajosṭikoren rạni do ar bam hoho ocokʼa.

Jesaea 50:3

Serma do kicricʼ leka ńutiń horokʼae kana ar gõṛẽ kicricʼ do ona reakʼ oyonakʼ geń hoeocoyeda.”

Amos 5:20

Probhu Isorakʼ din do marsal baṅkate cetʼ ńutakʼ do baṅ hoyokʼa? Jhalkaokʼ marsal khon cetʼ kaṛaṅ ńutakʼ do baṅ hoyokʼa?

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Sakariạ 14:6

Enhilokʼ jãhãn marsalge baṅ tahena, siń cando ar ńindạ cando dokin ńutokʼa.