Jesaea 11:4 - সান্তালী বাইবেল

⁴ Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jesaea 11:4 Referans Kwoze

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Malaki 4:6

Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

Jobakʼ 4:9

Isorakʼ sahẽtʼte onko doko marao utạrokʼa ar uniyakʼ edre reakʼ oṅteko mohor meṭao utạrokʼa.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jakob 3:13

Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

Galathiko lạgitʼ Pạul Apostolakʼ ciṭhi 5:23

mạ̃hir ar sambṛaokʼ. Ar nonkanakʼko upạrte ạn do bạnukʼ anaṅ.

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Johan sodor 2:16

Onate noa khon mon ạcurtam. Ar mon bam ạcurtam khan enḍekhan iń do usạrage am ṭheniń hijukʼkana ar ińakʼ moca reakʼ tarwaṛete onko upạrteń lạṛhạiya.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Titus lạgitʼ Pạul Apostolakʼ ciṭhi 3:2

Onko do okoeyakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Jesaea 32:1

Ńelpe, mitʼṭen raj do dhoromte raje calaoa ar disạm cakʼlaoko do hok reakʼko bicạra.

Jesaea 29:19

Mạ̃hir hoṛko do arhõ Probhu Isor iạteko rạskạkʼa, ar okoe ḍherko reṅgecʼge onko do Israelren uni sonoticʼ iạteko rạskạkʼa.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

Aposkạmi 9:1

Ar Sạul do unhạbicʼ Probhu Isorren celako gocʼko reakʼ botore udukʼako kan tahẽkana. Uni do Damesek nagraha reakʼ sunạgogkore jimạko lạgitʼ maraṅ naeke ṭhen senkate ciṭhiye koekeda. Ar tinạkʼ hoṛ Jisuakʼ horteko calakʼkan tahẽkan, baṅ do herel hoponko, baṅ do maejiuko, onko sanamkoe ńamlekore jemon tolkate Jerusalemteye ạgu daṛeako ona reakʼ ektiạri ńam lạgitʼ uni do ona ciṭhiye khojleda.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jesaea 3:14

Probhu Isor do acʼren hoṛko modre haṛam hoṛko ar mukhiyạko upạrte bicạrkateye meneda, “Ape do ińakʼ darkha bagwanpe nosṭo akada; ar reṅgecʼ hoṛkoakʼ jinisko luṭkate apeakʼ oṛakʼtepe idiakada.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

Jesaea 13:11

Probhu Isore meneda, “Bạṛicʼakʼko iạte iń do pirthimiń sạjạiyea; ar bạṛicʼkoakʼ behokakʼ iạte onkoń sạjạikoa. Iń do phulạkʼ kankoakʼ bạḍạiyiń cabaetakoa ar kurmutạhakoakʼ gorbo doń rạpudtakoa.

Jesaea 14:30

Joto khon reṅgejokʼko do jomakʼko ńama ar nacarko do nirạiteko giticʼa. Menkhan amakʼ rehetʼ do akalteń marao giḍiya, onate amren sarecʼ jiwetʼ hoṛ doko gujukʼa.

Jesaea 26:6

Santaokʼko ar reṅgecʼko do jaṅgate onako lebetʼ gańjaoa.

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Jesaea 30:31

Probhu Isorakʼ aṛaṅte Ạsur doe keklesedokʼa; ar acʼakʼ ṭheṅgate uni do Ạsurrenkoe hạnkoa.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 40:7

Ghãs do rohoṛokʼa ar baha hõ ńurokʼa, Probhu Isorakʼ sãhetʼ onareye oṅlere. Sạrige manwa do ghãs leka kanako.

Jesaea 49:2

Ińakʼ moca do laser tarwaṛe lekae hoyoco akatʼtińạ. Uni do acʼakʼ ti reakʼ umulreye danaṅ akadińạ. Uni do jhak jhak ạ̃pạ̃ṛi lekae benao akadińạ ar acʼakʼ sar ṭhoṅgareye doho akadińạ.

Jobakʼ 15:30

Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Hosea 6:5

Ona iạte ińren nạbiko hotete ape doń getʼ khanḍa khunḍi akatʼpea, ińakʼ moca reakʼ kathateń gocʼakatʼpea; ińakʼ bicạr reakʼ ray do ape cetanre bijli leka malkao rakapʼ akana.