Jesaea 11:16 - সান্তালী বাইবেল

¹⁶ Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.

Jesaea 11:16 Referans Kwoze

Jesaea 19:23

Enhilokʼ Misor khon Ạsur hạbicʼ do mitʼṭecʼ raj ḍaharge hoyokʼa. Ạsurrenko do Misorte ar Misorren do Ạsurteko calao hijukʼa. Unre Ạsurren ar Misorrenko do mitʼ soṅgeteko dewa sewaea.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 57:14

Probhu Isore mena, “Sạriạupe, sạriạupe, hor tearpe. Ińren hoṛkoakʼ hor khon mitʼke mitʼ tokʼhotʼakʼko ocokʼ giḍikakʼpe.”

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 10:20

Enhilokʼ Israelren jiwetʼ tahen hoṛko, metakʼme Jakobakʼ bõsren sarecʼ hoṛ do akoren hạhạnko cetanre ar bako bhorsakʼa, menkhan Probhu Isor cetanre, Israelren uni sonoticʼ cetanre sạrigeko bhorsakʼa.

Jesaea 49:11

Ińakʼ sanam buruko do horiń hoeocoya; ar ińakʼ ḍaharko do sạriạukʼa.

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Exodus 14:22

Ar Israelko do jalapuri talate kuṭhạ̃ṛgeko parom calaoena. Ar jalapuri reakʼ dakʼ do onko dene banar secʼ teṅgo tahẽyena.