Jesaea 10:27 - সান্তালী বাইবেল

²⁷ Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Jesaea 10:27 Referans Kwoze

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Sereńko 105:15

uni do onkoe metakokan tahẽkana, “Ińren ojokʼ akan hoṛko alope joṭetʼkoa; ar ińren nạbikoakʼ jãhãnakʼge alope loksan takoa.”

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 20:6

Ńitokʼ doń baḍaegea je, Probhu Isor do acʼe ojokʼ akade hoṛe bańcao edeya, ar acʼakʼ jojomti teakʼ bańcaokʼ reakʼ maraṅ daṛete uni do sonot serma khon acʼe ojokʼ akade hoṛakʼ hohoe ańjomtaea.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

2 Samuel 1:21

E Gilboa reakʼ buruko, apere sisir ar jạṛi dakʼ do alo baṛe ńurokʼma, ape talare abal ot reakʼ anaj baṛgeko hõ alo baṛe tahenma; ente onḍege birbanṭa hoṛkoakʼ ḍhal do bemanotakʼ hoyakana, Sạulakʼ ḍhalre sunum ojokʼakʼ do ar baṅ hoyokʼa.

Sereńko 84:9

E Isor, aleakʼ ḍhal beṅgetʼakʼme; amren ojokʼicʼakʼ mẽtʼãhã beṅgetʼataeme.

Aposkạmi 4:27

“Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Sereńko 132:10

Amren guti Dạud iạte amem ojokʼ bahal akatʼko hoṛkoakʼ koejoṅ do alom dea giḍikakʼa.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Johan 1:41

Andreas do pạhilre acʼren boeha Simone sendra ńamkedeteye metadea, “Ạliń do Mạsi liń (torjomate do Krisṭ) ńam akadea.”

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Levitikus 7:35

Aron ar uniren hoponko oka hilokʼ khon naeke menkate Probhu Isor sapʼsorae lạgitʼko ojokʼ bahal ocoakan enhilokʼ khonge Probhu Isor ńutumte seṅgelre samaṅicʼ janwarakʼ niạ hĩs do onkoakʼ bakhra menkate ṭhik dohoakana.

Jirimiạ 30:8

“Iń phạdkoren Probhu Isorgeń meneda, enhilokʼ iń do onkoakʼ taren khon arãṛiń rạputʼ giḍikatakoa ar onkoakʼ tolkoń topakʼ giḍikakʼa; bidisiạko ar do golam menkate bako dohokoa.