Jesaea 10:26 - সান্তালী বাইবেল

²⁶ Phạdkoren Probhu Isor do Oreb burure Midiạnrenkoe hạnko jokhecʼ cetʼlekae cekaletʼ onkage uni do cạbukkote Ạsurrene dalkoa. Ar Misorre cetʼe cekaletʼ onkage uni do dakʼ cetanre acʼakʼ ṭheṅgae tultaea.

Jesaea 10:26 Referans Kwoze

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Bikʼcạrko 7:25

Onko do Oreb ar Seb ńutuman Midiạnren barea mukhiyạko sapʼketʼkinạ ar Oreb do Oreb reakʼ dhiri ṭhen ar Seb do seb reakʼ darkha lelenkunḍ jaegareko gocʼkedea. Onko do Midiạnrenko khudạu idiketʼkoa ar Oreb ar Seb tạkinakʼ bohokʼ do jordan hanasa Gideon ṭhenko idikeda.

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

Exodus 14:16

Ar amakʼ ṭheṅga sabme ar jalapuri cetanre amakʼ ti tiạrtam ar jalapuri bar hạṭiń ocoyme. Ar onate Israelko do jalapuri talate rohoṛgeko taṛam parom daṛeakʼa.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 11:18

Joto jạtrenko raṅgao akana, ar amakʼ edre sodorokʼ reakʼ ghuṛi hõ seṭerakana, ar amren golamko, metakʼme nạbiko ar amren hoṛko ar kạṭicʼ lạṭu jotokoge okoe amko bhoktiamkan onko kuṛại emako reakʼ okte hõ seṭerakana. Ona chaḍa okoe dhạrtiko hạ̃n akatʼ, onko ḍahao maraoko reakʼ okte hõ seṭer akana.”

Jesaea 11:16

Misor khon oḍok hijukʼ jokhecʼ cetʼleka Israelko lạgitʼ mitʼṭecʼe horletʼ onkage uniren jiwetʼ tahen hoṛko lạgitʼ Ạsur khon mitʼṭecʼ raj ḍahar do oḍokokʼa.

Jesaea 10:24

Ona iạte phạdkoren Probhu Isore meneda, “E ińren hoṛko, okoe do Sionrepe tahenkan, ape do Ạsurren hoṛko Misor disạmrenko leka ṭheṅgateko dalpe ar ape upạrte mutạkko tulrehõ alope botorakoa.

Sereńko 83:11

Onkoren cetan hudạren hoṛkoakʼ dosa do Oreb ar Sib lekakome baṛe; ar onkoren disạm cakʼlaokoakʼ dosa hõ Sebah ar Salmuna leka hoyocoe me.

Sereńko 35:23

E ińren Isor, E ińren Probhu, ma beretʼme, ar iń sejokʼme, ar iń secʼ katha roṛme.

Jesaea 30:31

Probhu Isorakʼ aṛaṅte Ạsur doe keklesedokʼa; ar acʼakʼ ṭheṅgate uni do Ạsurrenkoe hạnkoa.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 30:32

Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.