Jesaea 10:16 - সান্তালী বাইবেল

¹⁶ Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 10:16 Referans Kwoze

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Sereńko 106:15

Onko okaṭakʼko khojletʼ onage uni doe ematʼkoa, menkhan onkore mitʼṭecʼ khoy roge kolkeda.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jesaea 17:4

“Enhilokʼ Jakobakʼ ṭhonok do cabakʼa; ar uniyakʼ itilanakʼ hoṛmo do osogokʼtaea.

Jesaea 10:18

Mitʼṭen rugi hoṛ cetʼlekae rohoṛ idikʼkan, onkage ona seṅgel do Ạsur reakʼ sanam bir ar batao akatʼ khetko purạteye marao giḍiya.

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Jesaea 5:17

Unre bhiḍiko do akoakʼ khetre cetʼlekako ạtiń onkage kisạ̃ṛkoakʼ sanam dhaṅdhaser jaegakoreko ạtiń baṛaea, ar porjạtrenko do ona dhaṅdhaserakʼ jaegako hameṭjoṅa.

Jesaea 8:7

Ona iạte Probhu Isor do Phurạt gaḍa reakʼ ḍubạ dakʼ leka jotowakʼ ṭhonok salakʼ Ạsurren raj do usạrage onko upạrteye ạguiyea. Ona ḍubạ dakʼ do gaḍa ar nala reakʼ jotowakʼe ạtu idiya,

Sereńko 78:31

Isorakʼ edre do onko upạrte rakapʼena. Uni do onkoren thoṛa daṛean juạnkoe gocʼketʼkoa; Israelren soros utạr hoṛko do acʼakʼ tabereye ạguketʼkoa.

Jesaea 31:9

Onkoren raj do botorteye dạṛ pạnḍuja; uniren senaputiko do jhạnḍi ńelte ạḍiko botorokʼa.” Sionre okoeyakʼ seṅgel ar Jerusalemre okoeyakʼ bhaṭa menakʼtae, uni Probhu Isorge niạ katha doe meneda.

Jirimiạ 21:14

Menkhan iń do amakʼ kạmi reakʼ kuṛại lekateń sạjạimea. Amakʼ birkore seṅgeliń lagaoa; ona seṅgel do am beṛhaete jotowakʼe jom cabaea. Iń Probhu Isorge noa katha doń meneda.’ ”

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Nạhum 1:12

Probhu Isore meneda, “E Jihudạ, Ạsurrenko doko daṛegere hõ arko alekhagere hõ enhõ onko doko gocʼ ocokʼa. Iń do sạrigeń duk ocoakatʼmea, menkhan ar bạń duk ocomea.

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’

Sakariạ 7:4

Unre phạdkoren Probhu Isor do ińe metadińạ,