Jesaea 10:13 - সান্তালী বাইবেল

¹³ ente uni doe mena, ‘ińakʼ ti reakʼ daṛe ar ạkilte noań kạmi akada, ente bud menakʼtińạ. Jạtrenkoakʼ simạ doń sạṅgiń akada, onkoakʼ dhon durib iń luṭ akatʼtakoa; ar daṛean bir leka onkoren rajiń dobnao akatʼkoa.

Jesaea 10:13 Referans Kwoze

Dosar Biboron 8:17

Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’

Habakkuk 1:16

Onko do akoakʼ jhạli ńutumte janwar dãṛẽko samaṅetʼkoa ar or jhạli ńutumte dhupko jeretʼeda, ente jhạli iạtege onko do ḍherko laba ar bhage bhage jomakʼko joma.

Amos 6:13

Am do Lo-dabarrem (mane do ‘Ạuṛiyakʼ ’) hat akatʼtem rạskạkʼkana, arhõm roṛ baṛayeda, “Ale do cetʼ apnarakʼ daṛete Korniạm (mane do ‘Daṛeanakʼ dereń’) do bale ạidạri akawana?”

Amos 5:27

Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 25:3

Probhu Isorakʼ noa katha onko ańjom lạgitʼ metakom, ‘Ińakʼ oṛakʼ besonotokʼkan ar Israel disom ujạṛokʼkan ńelte ar Jihudạren hoṛko bondi ocokʼkan ńelte ape do ạḍipe kusilena.

Jesaea 10:8

Uni doe meneda, “Ińren senaputiko do cetʼ jotoge raj leka doko baṅkana?

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

2 Rapajko 18:15

Onate Hiskiạ do Probhu Isorakʼ oṛakʼ ar rajakʼ khajańci oṛakʼre tinạkʼ rupạ tahẽkan jotoge uniye emadea.

2 Rapajko 18:11

Ar Asurren raj do Israelkoe bondiketʼkote Asur disạmteye idiketʼkoa ar Halare ar Habor gaḍa aṛe reakʼ Geson ṭoṭha ar Medekiạkoakʼ nagrahakoreye girobas ocoketʼkoa.

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

2 Rapajko 16:8

Ahas do Probhu Isorakʼ oṛakʼ ar raj oṛakʼ reakʼ khajańci khon sona ar rupại ạguketʼte sandes lekate Asurren raj ṭhene kolkeda.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jirimiạ 46:8

Misor do nil gaḍa leka, ar gaḍa dakʼko dundunạukʼ lekageye rakapʼ hijukʼ kana. Uni doe meneda, ‘iń doń rakapʼa ar dhạrtiń ḍubạ eseda; ar nagrahako ar onaren hoṛkoń marao cabakoa.’

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’

Jeheskel 35:13

Am do iń upạrte bạḍạikate ḍher katham roṛ akada. Ar ona doń ańjomakada.

Habakkuk 2:6

“Onko sanamkoge uniko landa-dhutʼaea arko mena, ‘hae uni do, one okoe eṭakʼkoakʼ jinis acʼ lạgitʼe jarwajoṅ kan ar jạmin reakʼ jiniskoteye kisạ̃ṛokʼkan. Nonka do ar tinạkʼ din calakʼa?

Bikʼcạrko 7:2

Probhu Isor do Gideone metadea, “Midiạnrenko onkoakʼ tireń soprotko lạgitʼ do amren hoṛkoakʼ lekha ḍhergetakoa. Ariń onka lekhan Israelko do apnarko sarhaokʼa arko men boteja, akoakʼ daṛetegeko bańcao akana.

Kạhtukko 28:11

Kisạ̃ṛ hoṛ do acʼakʼ mẽtʼreye ạkilan hoṛ kana, menkhan bud menakʼtae reṅgecʼ hoṛ do uniye baḍae oromedea.

Jesaea 5:21

Hae, onko hoṛ do, okoe apnarakʼ mẽtʼre ạkilan ar budan kanako menteko hudisokʼkan.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Habakkuk 1:11

Ar ona tayom do hadaṛ hadaṛ hoe lekako parom calakʼkana. Onko hoṛ doko dusigea, ente onkoren debota do akoakʼ daṛege.”