Jesaea 1:29 - সান্তালী বাইবেল

²⁹ “Hẽ, ape okoe do debdạru darepe sewawakʼ kan tahẽkan ape do ona iạtepe lajao ocokʼa, ar okako bagwanrepe sewayetʼ tahẽkan ona iạtepe nihạ̃t ocokʼa.

Jesaea 1:29 Referans Kwoze

Jesaea 66:17

Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Jesaea 65:3

Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Jesaea 57:5

Ape do Elon dare buṭạkore, mitʼke mitʼ hạriạṛ dare buṭạkore herel reakʼ sanatepe jal jalaokʼkana; ape do buru nala ar huṭupʼ buru ciritʼkore aperen hoponpe teṅgenetʼkoa.

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Jeheskel 6:13

Israelko do akoakʼ pinḍ beṛhaeten boṅga murhutʼko talare, maraṅ maraṅ buru cetankore, darebuṭạkore ar hạṛiạṛ sakam darekore, debdạru buṭạkore, metakʼme okako ṭhạ̃ikore onkoren boṅga murhutʼko ńutumte jut mosola reakʼ dhupko jeretʼetʼ tahẽkan onako ṭhạ̃ire onko do gocʼ akanko tahena. Unre sarecʼ jiwetʼ tahen hoṛko baḍae daṛeakʼa iń kangeạń Probhu Isor do.

Jirimiạ 3:6

Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jesaea 45:16

Ar okoe goṛhon muṭhạnko benaoetʼkan onko do jotoge lajao arko andmandaokʼa; ar mitʼteko akbakaokʼa.

Jesaea 31:7

ente enhilokʼ ape okoe do sona ar rupạren boṅga murhutʼko benaokatepe kại akatʼ, onko dope capatʼ giḍikakoa.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Jesaea 42:17

Menkhan okoe goṛhon muṭhạnreko bhorsakʼkan, ar okoe do chãchre dulakʼ boṅga muṭhạnko metakʼkan, ‘apege aleren debota do,’ enḍekhan onko do ạḍi lajaoreń paṛao ocokoa.

Hosea 4:19

Sạjại do hoe leka onkoe oṭaṅ idikoa; onkoakʼ samaṅokʼakʼ porob iạte onko doko lajao ocokʼa.”