Jesaea 1:28 - সান্তালী বাইবেল

²⁸ Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jesaea 1:28 Referans Kwoze

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jesaea 65:11

Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

Jesaea 50:11

Menkhan ape okoe do seṅgelpe lagaoetʼ ar chechape dugur duguretʼ, ape sanamkoge apeakʼ seṅgel reakʼ marsal ar mosal reakʼ marsalte calakʼpe. Ińakʼ ti khon do, harkhet sasetre giticʼ kunḍlạṅokʼge hoyapea.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 104:35

Dhạrti khon kại hoṛ doko ḍahao maraokʼma; ar bedhoromko hõ jotogeko cabakʼma. E ińakʼ jiwi, Probhu Isorakʼ sarhao sereńme; Probhu Isorakʼge sarhao hoyokʼtae ma.

Sereńko 92:9

E Probhu Isor, amren bạiriko doko maraokʼa, hẽ, onko doko caba utạrokʼa; ar dusṭạmiko do jotogeko chirchạturokʼa.

Sereńko 73:27

Okoe am ṭhen khon pharakteko sen akan, onko doko ses utạrokʼa; ar okoe amre bako pạtiạu akan onko dom marao giḍikoa.

Sereńko 37:38

Menkhan kạkạiko doko marao cabakʼa; onko bạṛicʼ hoṛkoakʼ bõs do ḍahao maraokʼa.

Sereńko 9:5

Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Samuel 12:25

Menkhan behokakʼpe kạmi idi enḍekhan ape ar aperen raj sanamgepe marao utạrokʼa.”

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jesaea 66:17

Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

2 Bõsbudạ 21:10

Onate Edomrenko do teheń hạbicʼ Jihudạ upạrteko bhiṅgṛạu akana. Jehoram do acʼren hapṛamkoren Probhu Isore bạgi akawade tahẽkante Libnarenko hõ ona jokhecʼko hulkeda.

2 Bõsbudạ 28:23

Uni do Damesekren debotakoko bhagaoledete onko lạgitʼ dãṛẽkoe samaṅketʼkoa. Uni doe hudiskeda, “Aram rajren debotako do onkoko goṛowako kana, onate iń hõ goṛo ńam lạgitʼ onko debotako ṭhen janwariń dãṛẽkoa.” Menkhan onko debotageko hoyokʼkana uniyakʼ ar goṭa Israelre sorbonas hoyokʼ reakʼ karon do.

Jobakʼ 34:26

Onkoakʼ dusṭạmi iạte sanamko samaṅreye sạjạikoa,

Jobakʼ 34:27

ente onko do uniyakʼ hor khonko sahaṛ akana; uniyakʼ jãhãn hukumge bako moneyakʼ kana.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.