Jesaea 1:25 - সান্তালী বাইবেল

²⁵ Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.

Jesaea 1:25 Referans Kwoze

Malaki 3:3

Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

Jirimiạ 9:7

Ona iạte phạdkoren Probhu Isore meneda, “Ńelpe, onko doń galaokoa ariń biḍạu aṭkarkoa, ente ińren hoṛko onka akatʼ iạte ar cetʼ iń ceka daṛeakʼa?

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Jesaea 1:22

Amakʼ rupạ do mạilạ akana; amakʼ bhage darkha rasare do dakʼ mesal akana.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Jeheskel 22:22

Culhạre cetʼ leka rupạ galaokʼ onkage ape hõ onarepe galaokʼa. Unre ape dope baḍae daṛeakʼa, iń Probhu Isorge ape cetanre ińakʼ edreń dul akada mente.’ ”

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Jirimiạ 6:29

Seṅgelte sisạ jeredokʼ lạgitʼ cạpwạ do ạḍitetʼ hoeye emokʼkana; menkhan ạuṛiyakʼgeko galao saphakʼkana, ente bạṛicʼko do bako ocokʼ giḍikʼkana.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Jeheskel 22:20

Hoṛko do cetʼleka rupạ, pitạl, ṭin, mẽṛhẽtʼ, ar sisạ jarwakate bhaṭa reakʼ seṅgel salgaokateko galao onkage ińakʼ edre ar khĩs do nagraha talare jarwakateye galaopea.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

Sereńko 119:119

Dhạrtiren sanam bạṛicʼ hoṛko do mạilạ lekam pharaketʼkoa, ar onatege iń do amakʼ sanam kathakoń dulạṛeda.

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jeheskel 22:19

Onatege Probhu Isore meneda, ‘sanamkoge mạilạpe hoyakante iń do Jerusalemreń jarwapea.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”